الماتىدا باعانى تۇراقتاندىرۋ شارالارى قابىلداندى

الماتى اكىمدىگى الەۋمەتتىك ماڭىزى بار تاۋارلاردىڭ باعاسىن تۇراقتاندىرۋ ءۇشىن قانداي شارالار قابىلداپ وتىر

الماتى قالاسى كاسىپكەرلىك جانە ينۆەستيسيالار باسقارماسىنىڭ مالىمەتىنشە، بيىل تامىز ايىندا جىلدىق ينفلياسيا ازىق-تۇلىك تاۋارلارى باعاسىنىڭ ءوسۋ قارقىنىن 11،3%-عا دەيىن تومەندەتۋ ەسەبىنەن 13،7%-عا دەيىن باياۋلادى، دەپ حابارلايدى almaty-akshamy.kz 

بيىل 1 قىركۇيەكتەن باستاپ الماتى وبلىسىنىڭ فەرمەرلەرىنەن «فورۆاردتىق» ساتىپ الۋ ارقىلى ساتىپ الىنعان 20 مىڭ توننا كوكونىستى، ونىڭ ىشىندە 2،2 مىڭ توننا قىرىققاباتتى ساتۋ باستالدى. 2023 جىلدىڭ تامىزى مەن 2024 جىلدىڭ شىلدەسى ارالىعىندا 2،5 مىڭ توننا كۇرىش جەتكىزۋگە كەلىسىمگە قول قويىلدى، الماتى وبلىسىنىڭ فەرمەرلەرىنەن قوسىمشا 1 مىڭ توننا كۇرىش ساتىپ الۋ پىسىقتالىپ جاتىر. ساۋدا جەلىلەرىنە، سونىمەن بىرگە الەۋمەتتىك ماڭىزى بار ازىق-تۇلىك تاۋارلارىن وندىرۋشىلەرگە «اينالىم قارىزدارى» اياسىندا قارىزدار بولىنەدى. ءامات-قا 15% ساۋدا ۇستەمەسىنىڭ ساقتالۋى بويىنشا مونيتورينگ جۇرگىزىلىپ كەلەدى.

باعانىڭ ءوسۋىن تەڭەستىرۋ مەن تاپشىلىقتى بولدىرماۋ ءۇشىن 2023 جىلدىڭ سوڭىنا دەيىن تونناسىنا 90 مىڭ تەڭگە باعامەن 10،3 مىڭ توننا استىق جەتكىزۋ ءۇشىن 460 ملن تەڭگە كەيىنگە قالدىرىلعان. 

«كوكونىستەردى جەتكىزۋدىڭ قولدانىستاعى شارتتارىنا قوسىمشا قازان ايىندا تۇركىستان وبلىسىنان قىرىققابات، سونىمەن قاتار، قاراعاندى جانە پاۆلودار وبلىستارىنىڭ فەرمەرلەرىنەن كارتوپ پەن ءسابىز ساتىپ الۋ پىسىقتالادى. جامبىل وبلىسىنىڭ وندىرۋشىلەرىمەن 1 مىڭ توننا پياز جەتكىزۋ تۋرالى مەموراندۋمعا قول قويىلدى»، - دەدى باسقارما وكىلدەرى.