2025 جىلى 15 قىركۇيەكتەن 31 قازانعا دەيىن الماتىدا «تازا قازاقستان» جالپىرەسپۋبليكالىق باعدارلاماسى اياسىندا دەراتيزاسيانىڭ ەكىنشى كەزەڭى وتكىزىلەدى، - دەپ حابارلايدى Aqshamnews.kz.
بارلىق سەگىز اۋداندى قامتىعان شارا كەمىرگىشتەردى جويۋعا جانە ولاردىڭ پايدا بولۋىنىڭ الدىن الۋعا باعىتتالعان.
دارىلەۋ جۇمىستارى 47 مىڭ گەكتاردان استام اۋماقتا جۇرگىزىلەدى. ونىڭ ىشىندە وزەن جاعالاۋلارى، سۋ ايدىندارى، جەكە تۇرعىن ۇيلەردىڭ جەر تەلىمدەرى بار. جەكە سەكتور تۇرعىندارىنا قولدانۋ جونىندەگى نۇسقاۋلىقپەن بىرگە ۋلاعىش جەم تەگىن بەرىلەدى.
الماتىدا دەراتيزاسيا جىلىنا ەكى رەت – كوكتەمدە جانە كۇزدە جۇرگىزىلەدى. مۇنداي كەشەندى شارالار كەمىرگىشتەر سانىن ءتيىمدى باقىلاۋعا جانە ولاردىڭ تارالۋ ءقاۋپىن ازايتۋعا مۇمكىندىك بەرەدى.
شارالاردى وتكىزۋ كەستەسى (https://www.gov.kz/memleket/entities/almaty-uzh/press/news/details/1066591) اۋا رايىنا بايلانىستى وزگەرۋى مۇمكىن.
الماتى قالاسى كوممۋنالدىق ينفراقۇرىلىم جانە تۇرعىن ءۇي ينسپەكسياسى باسقارماسى ءوز كەزەگىندە زاڭدى تۇلعالارعا، پيك، ميب جانە قس-كە قاراستى اۋماقتاردا جانە قوقىس كونتەينەر الاڭدارىندا دەراتيزاسيا جۇمىستارىن جالپىقالالىق دەراتيزاسيامەن بىرگە ۇيىمداستىرۋدى سۇرايدى.
دەراتيزاسيا جۇمىستارىنا قاتىستى شاعىم مەن سۇراق تۋىنداعان جاعدايدا تۇرعىندار «ەكو سەرۆيس الماتى» ج ش س ديسپەچەرلىك قىزمەتىنە كەلەسى تەلەفون نومىرلەرى ارقىلى حابارلاسا الادى: +7 705 225 13 31 (ەربول)، +7 705 118 77 88 (نۇرجان).