قالالىق كوگالداندىرۋشىلار جاسىل جەلەكتەردى وتىرعىزۋ جۇمىستارىن جۇرگىزىپ جاتىر، دەپ حابارلايدى almaty-akshamy.kz https://t.me/almaty_akimat/19487 سىلتەمە جاساپ.
بۇگىندە 23 459 اعاش وتىرعىزىلدى: مەدەۋ اۋدانىندا – 2000 بىرلىك، جەتىسۋ اۋدانىندا - 3070، تۇركسىب اۋدانىندا - 3900، المالى اۋدانىندا - 7000، اۋەزوۆ اۋدانىندا - 2489، بوستاندىق اۋدانىندا - 3500، الاتاۋ اۋدانىندا - 1500. ناۋرىزباي اۋدانىندا 10 مىڭ اعاشتى جاپپاي وتىرعىزۋ 30 قازاندا باستالادى، قازىرگى ۋاقىتتا وتىرعىزۋ ءۇشىن ورىندار دايىندالىپ جاتىر (شۇڭقىرلار قازىلادى).
بيىل الماتى قالاسىنىڭ جاسىل قورى 320 مىڭ جاسىل جەلەكپەن تولىعادى، ونىڭ 22 مىڭى كوكتەمدە وتىرعىزىلدى، 298 مىڭى كۇزگە جوسپارلاندى.
باس بوتانيكالىق ب ا ق پەن عىلىمي اگرارلىق ۋنيۆەرسيتەت ماماندارىنىڭ ۇسىنىسىمەن كوشەلەر بويىنا جالپاق جاپىراقتى شەگىرشىن، ەمەن، ۇيەڭكى، شاعان، تەرەك، ال ساياباقتار مەن سكۆەرلەرگە - ءساناعاش، قايىڭ، اكاسيا، شىرشا جانە جەمىس (الما، شيە، المۇرت، ورىك) اعاشتارى وتىرعىزىلىپ جاتىر. اعاشتىڭ بۇل تۇرلەرى تىعىز ءوسىپ، سايالى كولەڭكەگە اينالىپ، لاستانعان اۋانى جاقسى ۇستايدى.
كوشەتتەردى جاقسىلاپ سۋارۋ ءۇشىن وتىرعىزۋ ورىندارىندا اۆتوماتتى سۋارۋ جۇيەلەرى ورناتىلعان. 2023 جىلى قابىلدانعان جاسىل جەلەكتەردى كۇتىپ-باپتاۋ جانە قورعاۋ ەرەجەسىندە وتىرعىزىلعان اعاشتارعا 3 جىلعا دەيىن كۇتىم جاساۋدى قامتاماسىز ەتۋ جەتكىزۋشىلەرگە جۇكتەلگەن. جاسىل جەلەكتەردى ءتيىمدى سۋارۋ جانە كوشەتتەردىڭ تامىرلانىپ ءوسىپ كەتۋى ءۇشىن بيىل سۋ جيناعىشتىڭ قۇرىلىسى مەن رەكونسترۋكسيالاۋ جۇمىستارى باستالدى.