سوعان بايلانىستى قالالىق تجد تۇرعىندارعا ەسكەرتۋ جاسادى.
بۇگىن الماتىدا +36...+38°س قاتتى ىستىق كۇتىلەدى، دەپ حابارلايدى Almaty-akshamy.kz الماتى تجد مەن «قازگيدرومەت» رمك جاساعان داۋىلدى ەسكەرتۋگە سىلتەمە جاساپ.
الماتى قالاسىنىڭ توتەنشە جاعدايلار دەپارتامەنتى 21 شىلدەدەگى اپتاپ ىستىققا (+36...+38°C) بايلانىستى قالا تۇرعىندارىنا ەسكەرتۋ جاسادى.
ۆەدومستۆو «ىستىق اۋا رايى، اسىرەسە، جۇرەك-قان تامىرلارى اۋرۋلارى، ارتەريالىق گيپەرتەنزيامەن اۋىراتىندار، سونداي-اق ينفاركت پەن ينسۋلت ءقاۋپى بار ادامدار ءۇشىن ءقاۋىپتى» دەپ ەسكەرتتى.
«جاياۋ جۇرۋدەن باس تارتىڭىز، دەنە جاتتىعۋلارى مەن اۋىر جۇمىس جاساماڭىز. دارىگەردىڭ ۇسىنىمدارىن قاتاڭ ساقتاۋ جانە تاعايىنداعان دارى-دارمەكتەردى ۋاقىتىندا قابىلداۋ قاجەت. ارتەريالىق گيپەرتەنزيامەن اۋىراتىن ادامدار قان قىسىمىن ۇنەمى باقىلاۋى كەرەك»، - دەلىنگەن الماتى قالاسى توتەنشە جاعدايلار دەپارتامەنتىنىڭ باسپا ءسوز قىزمەتى تاراتقان اقپاراتتا.