اباي اتىنداعى قازۇپۋ-دا ساليقالى جاستاعى ادامدارعا ارنالعان ۋنيۆەرسيتەت – «كۇمىس ۋنيۆەرسيتەتىنىڭ» اشىلۋ سالتاناتى ءوتتى.
فيلولوگيا ينستيتۋتىنىڭ ۇيىمداستىرۋىمەن «مۇمكىندىكتەر الاڭى» تاقىرىبىندا ارنايى ءىس-شارا وتكىزىلدى. 2023 جىلدىڭ قاراشا ايىندا باستالعان بۇل جوبا الماتى قالاسىنىڭ مەدەۋ جانە الاتاۋ اۋداندارىنىڭ اكىمدىكتەرىمەن بىرلەسىپ جۇزەگە اسىرىلۋدا.
ءىس-شارانىڭ ماقساتى – ەگدە ازاماتتاردىڭ ءبىلىم الۋ كەڭىستىگىن كەڭەيتۋ، ولاردىڭ ءومىر ءسۇرۋ ساپاسىن ارتتىرىپ، ءوزىن-وزى دامىتۋىن قولداۋ، قۇرمەت كورسەتۋ. اباي ۋنيۆەرسيتەتىنىڭ ستراتەگيالىق دامۋ باعدارلاماسىنا سايكەس كۇمىس ۋنيۆەرسيتەت مودەلىن جۇزەگە اسىرۋ.
بولات تىلەپ بۇل باستامانىڭ ماڭىزدىلىعىنا جانە ونىڭ وزەكتىلىگىنە توقتالدى.
«بۇگىندە مەملەكەتىمىز «كۇمىس ۋنيۆەرسيتەت» جوباسى اياسىندا اعا بۋىن وكىلدەرىنىڭ بىلىكتىلىگىن ارتتىرىپ، زامان تالابىنا ساي دامۋى ءۇشىن بىرەگەي مۇمكىندىكتەر ۇسىنىپ وتىر. ءبىلىم بەرۋ سالاسىندا كوش ىلگەرى كەلە جاتقان ءبىلىم وردامىز اعا بۋىنعا قولداۋ كورسەتىپ، ولاردىڭ ارى قاراي ۇزدىكسىز ءبىلىم الۋىنا، تاجىريبە الماسۋىنا ىقپال ەتەتىن بولادى. ءبىز اعا بۋىن وكىلدەرىنىڭ ءومىر ءسۇرۋ ساپاسىن جاقسارتۋعا جانە قوعامدىق ومىرگە تولىققاندى قاتىسۋىن قامتاماسىز ەتۋگە باعىتتالعان الەۋمەتتىك ماڭىزى بار جوبالاردى بەلسەندى تۇردە جۇزەگە اسىرۋدى جالعاستىرامىز»، – دەدى.
اتالعان اۋدانداردا تۇراتىن ەگدە جاستاعى ادامدارعا ارنالعان ءتىل ۇيرەنۋ كۋرستارىن ۇيىمداستىرۋ فيلولوگيا ينستيتۋتىنىڭ باستاماسىمەن قولعا الىنعان بولاتىن. قازىرگى تاڭدا قازاق، اعىلشىن جانە اراب تىلدەرىن ۇيرەنۋ كۋرستارىنا 56-عا جۋىق ادام قاتىسۋدا. ءتىل ۇيرەنۋ ارقىلى زامانعا ساي كوممۋنيكاتيۆتىك داعدىلارىن ارتتىرۋعا قىزىعۋشىلىق بىلدىرگەندەر سانى كۇننەن كۇنگە ارتىپ كەلەدى.