الماتىدا مۇگەدەكتىگى بار ادامداردى الەۋمەتتىك قولداۋعا 13،2 ملرد تەڭگە ءبولىندى
مەگاپوليستە بولىنەتىن قارجى كولەمى جىل سايىن ارتىپ كەلەتىنى تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى باۋىرجان جاۋباسوۆ ايتتى، دەپ حابارلادى اlmaty-akshamy.kz.
سپيكەردىڭ مالىمەتىنشە، الماتىدا 56 مىڭنان استام مۇگەدەك ادام تۇرادى (I توپ - 5 698 ادام، II توپ – 22 752 ادام، III توپ – 18 839 ادام، 18 جاسقا دەيىنگى مۇگەدەكتىگى بار بالالار – 8 930 ادام).
“بۇگىنگى تاڭدا مۇگەدەكتىگى بار 33 847 ادام تەحنيكالىق قۇرالدارمەن جانە وڭالتۋ قىزمەتتەرىمەن قامتاماسىز ەتۋگە جۇگىندى، ونىڭ ىشىندە 26 136 ادام قاجەتتى قۇرالدارمەن جانە قىزمەتتەرمەن ءساتتى قامتاماسىز ەتىلدى. جىل سوڭىنا دەيىن مۇگەدەكتىگى بار ادامداردى قامتاماسىز ەتۋدى 90% - عا دەيىن جەتكىزۋدى جوسپارلاپ وتىرمىز”، - دەدى ب.جاۋباسوۆ.
سونداي-اق، قالادا كرەسلو-اربالاردىڭ بولشەكتەرىن جوندەۋ جانە اۋىستىرۋ بويىنشا تەگىن ورتالىق جۇمىس ىستەيدى. اربا جوندەۋ شەبەرحاناسى 470 مۇگەدەك ادامعا قىزمەت كورسەتتى. 2023 جىلى كرەسلو-اربالاردى جوندەۋ بويىنشا كەمىندە 600 قىزمەت كورسەتۋ جوسپارلانۋدا.
مۇگەدەكتىگى بار ادامدارعا جانە ءجۇرىپ-تۇرۋى قيىن مۇگەدەكتىگى بار بالالارعا قوسىمشا “ينۆاتاكسي” قىزمەتتەرى ۇسىنىلادى. “ينۆاتاكسي” قىزمەتىمەن قامتاماسىز ەتۋ 100 اۆتوكولىككە مەملەكەتتىك الەۋمەتتىك تاپسىرىس ارقىلى جۇزەگە اسىرىلادى، سونداي-اق «ياندەكس تاكسي» تاكسي اگرەگاتورى ارقىلى قىزمەتتى ىسكە اسىرۋ بويىنشا پيلوتتىق جوبا ىسكە قوسىلدى، بۇل قىزمەتكە مۇقتاج ادامداردى قامتۋدى ۇلعايتۋعا مۇمكىندىك بەردى.
مۇگەدەك ادامداردى جان-جاقتى قولداۋ جانە ولاردى قوعامعا ىقپالداستىرۋ ءۇشىن قالادا “Ten Qogam” الەۋمەتتىك قولداۋ ورتالىعى جۇمىس ىستەيدى.
“اعىمداعى جىلى الماتى قالاسى اكىمىنىڭ “Ten Qogam” مۇگەدەكتىگى بار ادامداردى الەۋمەتتىك قولداۋ ورتالىعى” الەۋمەتتىك جوباسىن ماسشتابتاۋ جونىندەگى تاپسىرماسىنا سايكەس وسىنداي 7 ورتالىقتى اشۋ بويىنشا شارالار قابىلداندى. جىل باسىنان بەرى “Ten Qogam” ورتالىقتارىندا 3 065 ادام قىزمەت الدى”، - دەپ اتاپ ءوتتى سپيكەر.
سونداي-اق، ب.جاۋباسوۆ باسقارماعا قاراستى 10 مەديسينالىق-الەۋمەتتىك مەكەمەنىڭ جۇمىسىن اتاپ ءوتتى. وندا مۇگەدەكتەرگە، مۇگەدەك بالالارعا، زەينەتكەرلەرگە جانە قيىن ومىرلىك جاعدايعا تاپ بولعان ادامدارعا ستاسيونار، جارتىلاي ستاسيونار، ۇيدە قىزمەت كورسەتۋ جانە ۋاقىتشا بولۋ جاعدايلارىندا ارناۋلى الەۋمەتتىك قىزمەتتەردىڭ 8 ءتۇرى كورسەتىلەدى.
ماسەلەن، “شاڭىراق” الەۋمەتتىك قىزمەتتەر ورتالىعىندا ستاسيونار جاعدايىندا 288 جالعىزباستى ارداگەرلەر، زەينەتكەرلەر، كۇتىمگە، تۇرمىستىق جانە مەديسينالىق قىزمەت كورسەتۋگە، الەۋمەتتىك-ەڭبەككە بەيىمدەۋگە مۇقتاج مۇگەدەكتەر تۇرادى. ورتالىقتا فيزيوتەراپيالىق، ەمشارا، ستوماتولوگيالىق كابينەتتەر، ەڭبەك تەراپياسى كابينەتتەرى، سەنسورلىق بولمە، لفك كابينەتى، ماسساج كابينەتتەرى بار. سونداي-اق، ينسۋلت، ينفاركت العان ادامدار جانە تاۋلىك بويى باقىلاناتىن تىرەك-قيمىل اپپاراتى بۇزىلعان مۇگەدەكتەر قارالاتىن پاللياتيۆتىك بولىمشە بار.
“دەمەۋ” الەۋمەتتىك قىزمەتتەر ورتالىعىندا ستاسيونار رەجيمىندە 1 جانە 2 توپتاعى پسيحونيەۆرولوگيالىق اۋرۋلارى بار 18 جاستان اسقان 667 ادام تۇرادى.
“سەنىم” الەۋمەتتىك قىزمەتتەر ورتالىعىندا 3 جاستان 18 جاسقا دەيىنگى پسيحونيەۆرولوگيالىق پاتولوگياسى بار 110 مۇگەدەك بالا تۇرادى. سونداي-اق 30 بالاعا ارنالعان پاللياتيۆتىك ءبولىم بار. سەرەبرالدى سال اۋرۋى، داۋن اۋرۋى، اۋىر جانە تەرەڭ اقىل-وي جەتكىلىكسىزدىگى، پسيحيكالىق جانە موتورلىق دامۋدىڭ كەشىگۋى دياگنوزى قويىلعان بالالار تاۋلىك بويى وسىندا بولادى. ورتالىق ارنايى جابدىقتارمەن، الەۋمەتتىك-تۇرمىستىق باعدارلاۋ كابينەتىمەن، وقۋ سىنىبىمەن، سەنسورلىق كابينەتپەن، فيزيو-كابينەتپەن، دەفەكتولوگ، لوگوپەد، لفك كابينەتتەرىمەن جابدىقتالعان.
“شاپاعات” الەۋمەتتىك قىزمەتتەر ورتالىعى جارتىلاي ستاسيونار رەجيمىندە پسيحونيەۆرولوگيالىق پاتولوگياسى جانە تىرەك-قيمىل اپپاراتى بۇزىلعان 1،5 جاستان 18 جاسقا دەيىنگى 80 بالاعا قىزمەت كورسەتەدى. اتا-انالار بالالاردى بالاباقشاداعىداي ورتالىقتا 8 ساعاتقا قالدىرادى، ويتكەنى ولار بوس بولماۋى نەمەسە جۇمىس ىستەۋى مۇمكىن. بۇل ورتالىقتىڭ الاتاۋ، بوستاندىق، ناۋرىزباي جانە تۇركسىب اۋداندارىندا 5 بولىمشەسى بار.
بۇدان باسقا، “ايالا” جارتىلاي ستاسيونارلارى جۇمىس ىستەيدى، وندا 235 ادامعا، “پاراسات” ورتالىعىندا - 1،5 جاستان 18 جاسقا دەيىنگى مۇگەدەكتىگى بار، پسيحونيەۆرولوگيالىق پاتولوگياسى بار، تىرەك-قيمىل اپپاراتى بۇزىلعان جانە پسيحونيەۆرولوگيالىق اۋرۋلارى بار 18 جاستان اسقان 269 ادامعا قىزمەت كورسەتىلەدى. اتالعان جارتىلاي ستاسيونارلاردا مۇگەدەكتەر وڭالتۋعا قالادى، ءبىراق 4 ساعاتقا عانا.
“اعا بۋىن ازاماتتارىنىڭ ءومىر ءسۇرۋ ساپاسىن ارتتىرۋعا، ولاردىڭ بەلسەندى زياتكەرلىك، شىعارماشىلىق، قوعامدىق قىزمەتكە تارتىلۋىنا جانە ۇرپاقتار ساباقتاستىعىنا جاردەمدەسۋگە باعىتتالعان جۇيەلى مادەني-دەمالىس جۇمىسى ءۇشىن وتكەن جىلى كۇنىنە 150 ادامنىڭ بارىپ تۇرۋى ءۇشىن بەلسەندى ۇزاق ءومىر ءسۇرۋدىڭ مەملەكەتتىك ورتالىعى اشىلدى”، - دەپ اتاپ ءوتتى باسقارما باسشىسى.
بيىل ورتالىقتا 1 742 زەينەتكەر تىركەلگەن، ولار 48 مىڭنان استام ساۋىقتىرۋ قىزمەتتەرىن العان، ءتۇرلى باعىتتار بويىنشا كۋرستاردان ءوتىپ، بوس ۋاقىتىن وتكىزەدى.