الماتىدا كوۆيد كۇشەيىپ كەلەدى

الماتى قالاسىندا اعىمداعى جىلدىڭ ماۋسىم ايىنىڭ 16 كۇنىنەن باستاپ COVID-19 جۇقتىرعاندار سانى كۇننەن-كۇنگە كوبەيە باستاپ، 29 كۇنى 77 جاعدايعا جەتتى. COVID-19 وقيعالارىنىڭ تاۋلىكتىك ءوسىمى 0،032% جەتتى، 100 مىڭ تۇرعىنعا شاققانداعى اپتالىق سىرقاتتانۋشىلىق كورسەتكىشى 16،63–كە دەيىن كوتەرىلدى، رەپرودۋكتيۆتىك سانى (R سانى) 1،78–گە جەتتى (رەسپۋبليكالىق كورسەتكىش 1،76). بۇل كورسەتكىش 1 ناۋقاستان 2 ادامعا جۋىق COVID-19 جۇقتىرىپ جاتقانىن ايقىندايدى.

دەنساۋلىق ساقتاۋ مينيسترلىگىنىڭ (ءارى قاراي - دسم) كوروناۆيرۋستىڭ ەپيدەميولوگيالىق جاعدايىن باعالاۋ ماتريساسىندا الماتى قالاسى ازىرشە جاسىل ايماقتا – اعىمداعى جىلدىڭ ماۋسىم ايىنىڭ 29 كۇنىنە دەيىن 497 كۆي جاعدايى تىركەلدى.

ماۋسىمنىڭ 23 كۇنى رەفەرەنس-زەرتحاناعا پسر ناتيجەسى وڭ بولعان 74 سىناما جەتكىزىلگەن، سونىڭ ناتيجەسى بويىنشا 58 (78،4%) سىناما ستەلس-مۋتاسيانىڭ، 16 سىناما (22%) وميكرون-مۋتاسيانىڭ ىقتيمالىن كورسەتتى (تولىق-گەنومدىق سەكۆەنيرلىك زەرتتەۋ جالعاسىپ، راستاۋ كۇتىلۋدە). بۇل ناتيجەلەر بۇگىنگى تاڭدا ورىن الىپ جاتقان COVID-19 وقيعالارىنىڭ ءورشۋىنىڭ سەبەپكەرى ۆيرۋستىڭ ستەلس-وميكرون ءتۇرى ەكەنىن انىقتادى.

ماۋسىم ايىنىڭ 10 - 29 كۇندەرى 458 كوۆيدكە شالدىققان ادامداردىڭ كوپشىلىگى - 60% (275 ادام)، مۇلدەم ۆاكسيناسيا الماعان، 112 (24%) ادام تولىق ۆاكسيناسيا العان، ءبىراق 6 ايدان كەيىن ءتيىستى ريەۆاكسيناسياسىن الماعان. جالپى يممۋنيتەتى السىرەگەندەر مەن جوقتار اۋرۋعا شالدىققانداردىڭ 84%-ىن قۇرادى. بۇل جاعداي ۆاكسيناسيا مەن ريەۆاكسيناسيا الماعاندار ستەلس-وميكرونىنا شالدىعىپ جاتقانىنا دالەل.

سونىمەن قاتار، ماۋسىم ايىنىڭ 23 كۇنىنەن باستاپ ۆاكسيناسيانى تولىق العاندار COVID-19 عا قايتا شالدىعا باستاعانى بايقالىپ، كۇنىنە 11 – 16 ادامنان تىركەلە باستادى - بىلتىر تولىق ۆاكسينا العانداردىڭ جىل بويىنا 3306 ادام COVID-19-عا قايتا شالدىقسا، بيىل 6 ايدىڭ ىشىندە 5294 ادام قايتا شالدىقتى. بۇل جاعداي 1 جىلدان استام ۆاكسينا العانداردىڭ يممۋنيتەتى جوعالا باستاعانىن جانە ستەلس-وميكرون السىرەگەن يممۋنيتەتتى بۇزىپ، اعزاعا ەنەتىن قابىلەتى جوعارى ەكەنىن ايقىنداپ تۇر.

بۇگىنگى تاڭعا قالىپتاسقان قارقىنمەن COVID-19 اۋرۋى جالعاسا بەرسە، الماتى قالاسى دسم كوروناۆيرۋستىڭ ەپيدەميولوگيالىق جاعدايىن باعالاۋ ماتريساسىنىڭ سارى ايماعىنا (بەلگىلى شەكتەۋلەردى قولدانۋعا ماجبۇرلەيتىن) كوپ ۇزاماي، 100 مىڭ تۇرعىندىق كورسەتكىش 25،0–گە جەتكەندە، ءوتۋى ابدەن مۇمكىن. وسى جاعدايدىڭ الدىن الۋ، بولدىرماۋ ماقساتىندا قالا تۇرعىندارىن ۆاكسيناسيالاۋ مەن ريەۆاكسيناسيالاۋ قاجەت، اسىرەسە مۇلدەم ۆاكسينا الماعانداردى.

بۇگىنگى كۇنى الماتى قالاسى بويىنشا حالىقتى كوروناۆيرۋس ينفەكسياسىنا  قارسى ۆاكسيناسيالاۋ جانە ريەۆاكسيناسيالاۋ جۇمىستارى جالعاسۋدا.

مەگاپوليستە 2022 جىلدىڭ 30 ماۋسىمىنا كوروناۆيرۋس ينفەكسياسىنا قارسى ءبىرىنشى دوزامەن  1،2 ملن  ادام ەگىلدى، 79% قامتىلدى، 2 دوزامەن 1،1 ملن. استام ادام ەگىلدى، 98% قۇراپ وتىر. «كوميرناتي» ۆاكسيناسىمەن (پفايزەر) 1-دوزامەن 98 مىڭنان استام ادام، 2-دوزامەن 91 مىڭنان استام ادام ەگىلدى، 94% قۇرادى.

سونىمەن قاتار، حالىققا ريەۆاكسيناسيا جۇرگىزۋ جۇمىستارى دا جالعاسۋدا، اعىمداعى جىلدىڭ 30 ماۋسىمىنا ريەۆاكسيناسيامەن 58% قامتىلدى. قالا بويىنشا ۆاكسيناسيا جۇرگىزەتىن 64 ەگۋ پۋنكتى جۇمىس جاساپ تۇر، بۇگىنگى كۇنگە ەگۋ پۋنكتەرىندە QazVak ۆاكسيناسى 124 453 دوزا، Vero Cell سينوفارم 185 112 دوزا بار. «كوميرناتي» ۆاكسيناسى (پفايزەر) 6 123 دوزا بار، شامامەن 10 000 دوزا قوسىمشا جەتكىزۋ كۇتىلۋدە.

قالا حالقىن كوروناۆيرۋس ينفەكسياسىنا قارسى ۆاكسيناسيالاۋ ءۇشىن جەتكىلىكتى مولشەردە ۆاكسينامەن قامتاماسىز ەتىلگەن.