الماتىدا «سەليننىي» زاماناۋي مادەنيەت ورتالىعىنىڭ ۇيىمداستىرۋىمەن Korkut Sound جانە جاڭا مۋزىكالىق بيەننالە ءوتىپ جاتىر.
ونىڭ باعدارلاماسىنا قازاقستاندىق جانە شەتەلدىك ارتيستەردىڭ قاتىسۋىمەن ءۇش كونسەرت، site-specific بەس اۋديوۆيزۋالدى ينستاللياسيا مەن حالىقارالىق سۋرەتشىلەردىڭ كورمەسى كىرگەن. كەزەكتى كونسەرتتى الماتىلىقتار حالىق مۋزىكالىق اسپاپتارى مۋزەيىندە تاماشالادى، دەپ حابارلايدى Almaty-akshamy.kz 24.kz-كە سىلتەمە جاساپ.
ايتا كەتەيىك، «سەليننىي» ورتالىعى ەلىمىزدەگى زاماناۋي مادەنيەت پەن ونەردى دامىتۋعا باعىتتالعان العاشقى جەكەمەنشىك ينستيتۋسيا. بيەننالە قازاقستاننىڭ بىرەگەيلىگى مەن مادەنيەتىنىڭ ماڭىزدى بولىگى. ول دىبىس پەن مۋزىكاعا دەگەن قىزىعۋشىلىقتى ارتتىرادى. قورقىت اتا ارقىلى قازاقتىڭ بولمىسىن كورسەتەدى. بۇل ەلىمىزدە دىبىس ونەرىنە قاتىستى وسىنداي اۋقىمداعى ءبىرىنشى شارا.
«Korkut sound كونسەرتىندە ونەر كورسەتەتىندەردىڭ قاتارىندا داريا نۇرتازا، ءادىل قۇمارنا، حۋنشو فان سياقتى مۋزىكانتتار بار. ماسەلەن، داريا ءوزىنىڭ شىعارماسىن قورقىت مەموريالىنا بارىپ جازعان. وندا سايىن دالانىڭ، جەلدىڭ دىبىسىن ەستۋگە بولادى. ەلەكتروندى مۋزىكامەن كەرەمەت ۇيلەسەدى»، - دەيدى "سەليننىي" زاماناۋي مادەنيەت ورتالىعىنىڭ ديرەكتورى ءجاميلا نۇركالييەۆا.
ونەردە زاماناۋي ادىستەردى ەنگىزە وتىرىپ، مۋزىكانى وسىلاي ارلەۋگە بولادى. بۇل قازىرگى ۋاقىت تالابى. ءبىز جاساندى ينتەللەكت مۇمكىندىگىن قولدانىپ جاتىرمىز، دەيدى دومبىراشى داۋلەت جانشين.
«سوزبەن ايتىپ جەتكىزۋ مۇمكىن ەمەس ەندى. جاساندى ينتەللەكتپەن مۋزىكا ويناۋ، مۋزىكا شىعارۋ سول ساتتە وڭاي ءسات دەمەس دەپ ويلايمىن. مىسالى، مەن 5-6 سەكۋند مۋزىكا شىعارام. سول مەنىڭ مۋزىكامدى ويناعان. جاساندى ينتەللەكت ارى قاراي دامىتىپ، ءوزىنىڭ يمپروۆيزاسياسىن قوسادى. ودان كەيىن مەن سول مۋزىكانىڭ سول ينتەللەكتىنىڭ مۋزىكاسىن دامىتۋ كەرەك بولام. سولاي- سولاي كەتە بەرەدى»، - دەيدى دومبىراشى داۋلەت جانشين.
Korkut دىبىس ونەرى جانە جاڭا مۋزىكالىق بيەننالە شارا اياسىندا سۋرەت پەن مۋزىكالىق اسپاپتار كورمەسى دە ءوتىپ جاتىر. ينستاللياسيانى بوتانيكالىق باقتان، ورتالىق كورمە زالىنان جانە حالىق مۋزىكالىق اسپاپتار مۋزەيىنەن تاماشالاۋعا بولادى.