الماتىدا 5 مىڭنان استام كاسىپكەرلىك نىساندى ءتولقۇجاتتاۋ قاجەت
الماتىدا «تازا قازاقستان» باعدارلاماسى جانە جاڭا كورىكتەندىرۋ ەرەجەسءى اياسىندا قالالىق نىسانداردى ءتولقۇجاتتاۋ باستالدى، دەپ حابارلايدى aqshamnews.kz
بۇل شارا قالا تۇرعىندارى مەن قوناقتار ءۇشىن ىڭعايلى، ءقاۋىپسىز جانە ەكولوگيالىق تازا ورتا قالىپتاستىرۋعا باعىتتالعان قالا ستراتەگياسىنىڭ ءبىر بولىگى بولىپ تابىلادى.
ءتولقۇجاتتاۋدىڭ نەگىزگى مىندەتى – كاسىپكەرلەرگە ىرگەلەس اۋماقتاردى كورىكتەندىرۋ بويىنشا جاۋاپكەرشىلىك شەگىن انىقتاۋ. الماتىنىڭ كوممۋنالدىق ينفراقۇرىلىمدى دامىتۋ باسقارماسىنىڭ مالىمەتىنشە، بارلىعى 5 590 كاسىپكەرلىك نىساندى ءتولقۇجاتتاۋ قاجەت. ءقازىر مىڭعا جۋىق كاسىپكەر ءتولقۇجاتقا قول قويدى. ءتولقۇجاتتاۋ جۇمىستارى كەلەسى جىلدىڭ ءساۋىر ايىندا اياقتالادى.
بيزنەس قانداي نارسەگە جاۋاپتى؟
ءاربىر بيزنەس سۋبەكتىسى كورىكتەندىرۋ ءتولقۇجاتىن الۋعا جانە ىرگەلەس اۋماقتى ءتيىستى جاعدايدا ۇستاۋعا مىندەتتى. بۇل مەنشىك نىسانىنا قاراماستان بارلىق قاتىسۋشى ءۇشىن جاۋاپكەرشىلىك جۇكتەيدى.
اۋماققا جاۋاپتى سۋبەكتىلەرگە جەكە جانە زاڭدى تۇلعالار، پيك، ميب، قس، سونداي-اق عيماراتتاردىڭ مەنشىك يەلەرى جانە جەردى ۋاقىتشا نەمەسە تۇراقتى پايدالانۋ قۇقىعى بار تۇلعالار جاتادى.
ءتولقۇجات كاسىپكەرلەردىڭ ىرگەلەس اۋماقتاردى جانە نىسانداردىڭ قاسبەتىن ءتيىستى جاعدايدا ۇستاۋ ماسەلەسىندەگى الەۋمەتتىك جاۋاپكەرشىلىكتى ارتتىرادى.
عيماراتتاردىڭ جانە قۇرىلىستاردىڭ يەلەرى قاسبەتتەردىڭ ۋاقتىلى جوندەلۋى مەن سىرلانۋىنا، ولاردىڭ ءتيىستى كۇتىپ ۇستاۋ مەن پايدالانىلۋىن قامتاماسىز ەتۋگە مىندەتتى سونداي-اق، قاسبەتتەردەگى ەسكەرتكىش تاقتالاردى، كوشە كورسەتكىشتەرىن (تۇيىق كوشەلەر مەن الاڭداردى قوسقاندا)، نومىرلىك بەلگىلەردى، ماڭدايشالاردى جانە اقپاراتتىق تاقتالاردى تازا ءارى جارامدى جاعدايدا ۇستاۋعا ءتيىس.
تاعى ءبىر ماڭىزدى نارسە – قىس كەزىندە عيماراتتار مەن قۇرىلىستاردىڭ يەلەرى قار مەن مۇزدى شاتىردان تازارتۋ جۇمىستارى باستالعانعا دەيىن تۇرعىن جانە تۇرعىن ەمەس عيماراتتاردىڭ يەلەرىن 24 ساعات بۇرىن حاباردار ەتۋگە مىندەتتى.
ساۋدا ۇيىمدارىنان كوممۋنالدىق قالدىقتى اتالعان نىسانداردىڭ مەنشىك يەسى نەمەسە ق ر زاڭناماسىنا سايكەس، قالدىق شىعارۋ قىزمەتىمەن اينالىساتىن ۇيىممەن جاسالعان شارت نەگىزىندە شىعارىلادى.
جوندەۋ جۇمىستارى كەزىندە پايدا بولعان قالدىقتاردى ارنايى بەلگىلەنگەن ورىندارعا سول جۇمىستى جۇرگىزگەن تۇلعالار وزدەرى شىعارادى. جوندەۋ كەزىندە شىققان قالدىقتاردى ۋاقىتشا قالدىق ساقتاۋ ورىندارىنا نەمەسە كونتەينەر الاڭدارىنا تاستاۋعا تىيىم سالىنادى.
ەگەر قالدىق وندىرگەن ادام ءوزىنىڭ جەر تەلىمىندە نە عيماراتىندا جالداۋ نەمەسە باسقا كەلىسىم نەگىزىندە ءوز بەتىمەن قالدىقتاردى جيناماسا، شىعارماسا جانە كادەگە جاراتپاسا، بۇل مىندەتتەر اتالعان جىلجىمايتىن مۇلىك نىساندارىنىڭ يەلەرىنە جۇكتەلەدى.
بازارلار مەن ولارعا ىرگەلەس اۋماقتاردى تازالاۋ جانە جيناۋ جۇمىسىن ۇيىمداستىرۋ «تاماق ونىمدەرىنىڭ كوتەرمە جانە بولشەك ساۋدا نىساندارىنا قويىلاتىن سانيتارلىق-ەپيدەميولوگيالىق تالاپتار» سانيتارلىق ەرەجەگە سايكەس تازارتىلادى جانە جينالادى.
اۋماقتان تىس جەرلەرگە قوقىس پەن تۇرمىستىق قالدىقتاردى توگۋگە جانە ءوندىرىس قالدىقتارىن كوشەگە شىعارۋعا تىيىم سالىنادى. سۇيىق تۇرمىستىق قالدىقتار ارنايى كولىگى بار ۇيىمدارمەن شارت بويىنشا شىعارىلۋعا ءتيىس.
ءتولقۇجاتتاۋ كەزەڭدەرى
ءتولقۇجاتتاۋ ۇدەرىسى ءۇش كەزەڭگە بولىنگەن. ءبىرىنشى كەزەڭدە ماگيسترالدى كوشەلەردەگى، قالالىق ماڭىزى بار ايماقتاردا جانە جاياۋ جۇرگىنشىلەر كەڭىستىگىندە مىڭنان استام نىسان قامتىلادى. ەكىنشى كەزەڭدە اۋداندىق ماڭىزى بار كوشەلەرگە ءمان بەرىلەدى، ال سوڭعى كەزەڭدە جەرگىلىكتى ماڭىزى بار كوشەلەر مەن اۋلاىشىلىك اۋماقتار قامتىلادى. باعدارلامانى تولىق اياقتاۋ 2025 جىلدىڭ ساۋىرىنە جوسپارلانعان.
اۋدان اكىمدىكتەرىنىڭ كورىكتەندىرۋ جانە ەكولوگيا بولىمدەرى كورىكتەندىرۋ جونىندەگى تالاپتاردىڭ ورىندالۋىن قاداعالايدى. ەرەجە بۇزعان كاسىپكەرلەر ق ر اكىمشىلىك قۇقىق بۇزۋشىلىق تۋرالى كودەكسىنە سايكەس اكىمشىلىك جاۋاپكەرشىلىككە تارتىلادى.
ءتولقۇجاتتا سۋبەكتىنىڭ اتاۋى، مەكەنجايى، بايلانىس تەلەفونى، مەنشىك يەسىنىڭ مالىمەتتەرى، قتق شىعارۋ تۋرالى كەلىسىم-شارت، قاتتى جابىننىڭ اۋدانى، كوگالدىڭ اۋدانى، اعاشتار مەن بۇتالار سانى، شاعىن ساۋلەت پىشىندەرىنىڭ بولۋى جانە بەكىتىلگەن اۋماقتىڭ سىزباسى كورسەتىلەدى.
ءتولقۇجاتقا اۋدان اكىمدىگى مەن كاسىپكەر بىرلەسىپ قول قويادى، بۇل ءراسىمنىڭ اشىقتىعىن قامتاماسىز ەتەدى. سونداي-اق، بۇرىن كوزدەلمەگەن ۋچاسكەلەردى كورىكتەندىرۋگە قوسىمشا شىعىنداردىڭ تۋىنداۋ ءقاۋىپى جوققا شىعارىلادى.
ەستەرىڭىزگە سالا كەتەيىك، جاڭا كورىكتەندىرۋ ەرەجەلەرى الماتىنىڭ ءال-اۋقاتىن ساقتاۋعا باعىتتالعان جانە «تازا قازاقستان» رەسپۋبليكالىق باعدارلاماسىنىڭ ماقساتىنا سايكەس كەلەدى، بۇل قالا تۇرعىندارى ءۇشىن ءقاۋىپسىز ءار ەكولوگيالىق تازا ورتا قۇرۋعا ىقپال ەتەدى.
جاڭا ەرەجەگە سايكەس، بۇقارالىق ءىس-شارالاردى ۇيىمداستىرۋشىلار كونسەرتتەر، فەستيۆالدار جانە جارمەڭكەلەردەن كەيىن تازالىق جۇمىستارىن جۇرگىزۋگە مىندەتتى. بۇل قالادا تازالىق پەن ءتارتىپتى ساقتاۋعا سەپتىگىن تيگىزەدى.