جول اپاتىنىڭ ۆيدەوسى جەلىگە تارادى.
قالالىق پوليسيا دەپارتامەنتىندە جول اپاتىنىڭ سەبەپ-سالدارى ايتىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
19 شىلدە كۇنى، ساعات 19: 30 شاماسىندا HOWO ماركالى جۇك كولىگىن باسقارعان ر. ەسىمدى جۇرگىزۋشى ساين كوشەسىنىڭ بويىمەن باتىس باعىتتا جانە مۇستافين كوشەسىنىڭ كوپىرىنىڭ استىندا قاشىقتىقتى ساقتاماعاندىقتان، Lexus LX 470 اۆتوكولىگىمەن سوقتىعىسۋعا جول بەرەدى. العان سوققىدان Lexus LX 470 اۆتوكولىگى ينەرسيا بويىنشا Toyota Corolla جانە Toyota Camry اۆتوكولىكتەرىمەن سوقتىعىسادى. Toyota Camry اۆتوكولىگى ءبىر باعىتتا كەلە جاتقان Toyota Camry اۆتوكولىگىمەن سوقتىعىسادى. جول اپاتى ناتيجەسىندە Lexus LX 470 كولىگىنىڭ جولاۋشىلارى اۋرۋحاناعا جەتكىزىلدى.
«اتالعان جول-كولىك وقيعاسىن بوستاندىق اۋداندىق پوليسيا باسقارماسىنىڭ قىزمەتكەرلەرى تەرگەپ جاتىر»، - دەدى الماتى قالاسىنىڭ پوليسيا دەپارتامەنتىنىڭ انىقتاۋ باسقارماسىنىڭ باستىعى، پوليسيا پودپولكوۆنيگى ولجاس ءشارىپوۆ.