الماتىدا كونترافاكتىلىك شۇلىقتار تاركىلەنىپ، ولاردى بالالار ۇيىنە بەرمەك بولعان

وڭىرلىك كوممۋنيكاسيالار قىزمەتىنىڭ الاڭىندا زاڭسىز ونىمدەرگە ارنالعان بريفينگ ءوتتى.

الماتى قالاسى ادىلەت دەپارتامەنتىنىڭ باسپا ءسوز حاتشىسى الماس بەكبوتايەۆ ولاردىڭ تاجىريبەسىندە 2019 جىلى بەلگىلى برەندتىڭ اتىن جامىلىپ، زاڭسىز جولمەن شىعارىلعان شۇلىقتاردىڭ ءىرى پارتياسى تاركىلەنگەن جاعداي كەزدەسكەنىن ايتتى. شۇلىقتاردى بالالار ءۇيىنىڭ تاربيەلەنۋشىلەرىنە دەپ وتكىزبەك بولعان، ءبىراق ساراپتامادان كەيىن ونداي ىس-ارەكەتكە بارماعان.
سەبەبى، جالعان ءونىم تەك زاڭسىز عانا ەمەس، زياندى بولىپ شىققان، دەپ حابارلايدى Almaty-akshamy.kz

«شۇلىقتار تاركىلەنگەننەن كەيىن ءىس سوتقا جىبەرىلدى. ءبىز سوتقا ءونىمدى بالالار ۇيىنە نەمەسە الەۋمەتتىك مەكەمەلەرگە بەرۋدى ۇسىنۋدى ءجون كوردىك. ساراپتاماعا سايكەس، كونترافاكتىلىك ونىمدەردىڭ ادام تەرىسىنە ءقاۋىپتى حيميالىق قاسيەتتەرى بار ەكەنى انىقتالدى. سوت شەشىمىمەن ونىمدەر جويىلدى»، - دەدى ا.بەكبوتايەۆ.

ماماندار كەز كەلگەن ءونىمدى ساتىپ الماس بۇرىن ونىڭ سەرتيفيكاتىن سۇراۋ كەرەكتىگىن الماتى تۇرعىندارىنىڭ ەسىنە سالدى. 
الماتى قالالىق ادىلەت دەپارتامەنتىنىڭ زياتكەرلىك مەنشىك قۇقىعى ءبولىمىنىڭ باسشىسى ەركەبۇلان جەتپىسبايەۆ جالعان ونىمدەردىڭ ىشىندە Samsung برەندىنىڭ ساۋدا بەلگىسى قولدانىلعان ونىمدەر انىقتالعانىن ايتتى. سونىمەن قاتار، تەكسەرۋلەر بارىسىندا الكوگول ونىمىنە «موسكوۆسكايا» ساۋدا بەلگىسىن پايدالانۋ كەزىندە زاڭ بۇزۋشىلىقتار انىقتالدى. سول كەزدە 1000-نان استام زات تاركىلەنگەن.

«سوت شەشىمىمەن كەيىن بۇل كونترافاكتىلىك الكوگولدى ونىمدەردىڭ بارلىعى جويىلدى»، - دەپ حابارلادى ە.جەتپىسبايەۆ.