الماتىدا كونستيتۋسيالىق رەفورمالار مەن الەۋمەتتىك دامۋ مودەلىن ترانسفورماسيالاۋدىڭ وزەكتى ماسەلەسى تالقىلاندى.
كونفەرەنسياعا پارلامەنت ءماجىلىسىنىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ ءتورايىمى ايگۇل قۇسپان، ءماجىلىس دەپۋتاتتارى ايدوس سارىم مەن جۇلدىز سۇلەيمەنوۆا، سونداي-اق ەلىمىزدىڭ عىلىمي-زەرتتەۋ ۇيىمدارى مەن جوعارى وقۋ ورىندارىنىڭ جەتەكشى ساراپشىلارى قاتىستى، دەپ حابارلايدى Almaty-akshamy.kz
تالقىلاۋ بارىسىندا ەلدىڭ الەۋمەتتىك دامۋىنىڭ جوسپارىن ىسكە اسىرۋ بويىنشا ۇسىنىستار ايتىلدى. اسىرەسە، مەملەكەت پەن قوعام الدىندا تۇرعان جاڭا مىندەتتەردى شەشۋدەگى ءتۇرلى تاسىلدەرگە باسىمدىق بەرىلدى.
"نەگە قازىرگى كەزەڭدە كەدەيلىك ماسەلەسى بار. جاستاردىڭ كوبى نەگە قوعامدىق ەڭبەكتەن وقشاۋ قالىپ تۇر. قازىرگى كەزەڭدە قۇندىلىقتار قالاي وزگەرىپ جاتىر؟ اسىرەسە، جاستاردىڭ وتباسىن قۇرۋعا، جۇمىسقا دەگەن قۇندىلىعى، باسقا قۇندىلىقتارى وزگەرىپ جاتىر. قارايتىن ماسەلەلەر وتە كوپ"، - دەدى سوسيولوگيا عىلىمدارىنىڭ دوكتورى ءمانسيا سادىروۆا.