الماتى قالاسىنىڭ مەدەۋ اۋدانىنداعى كوميۋنيتي-ورتالىقتا كونستيتۋسيا كۇنىنە ارنالعان كورمە ءوتتى، دەپ حابارلايدى aqshamnews.kz.
ءىس-شاراعا قالا جاستارى، «اسسوسياسيا جاستارى» قوزعالىسىنىڭ بەلسەندىلەرى جانە قاراپايىم قالا تۇرعىندارى قاتىستى. ورتالىقتىڭ حولىندا قازاقستان كونستيتۋسياسىنىڭ دامۋى مەن قالىپتاسۋ كەزەڭدەرىن كورسەتەتىن فوتوكورمە ۇيىمداستىرىلدى.
قوناقتارعا نەگىزگى زاڭنىڭ قۇرىلۋى تۋرالى دەرەكتى فيلم كورسەتىلدى، سودان كەيىن قاتىسۋشىلاردان ساۋالناما الىنىپ، شارا ۆيكتورينامەن اياقتالدى. ۆيكتورينا جەڭىمپازدارىنا سىيلىقتار تابىستالدى.
بۇل ءىس-شارا مەدەۋ اۋدانىندا ۇيىمداستىرىلعان ونكۇندىكتىڭ قورىتىندىسى بولدى. ونكۇندىك اياسىندا چەللەندجدەر، كونستيتۋسيا تۋرالى بىلىمدەرىن تەكسەرۋ ءۇشىن تۇرعىندار اراسىندا ساۋالنامالار، ۆيكتورينالار جانە ورتالىق مادەنيەت جانە دەمالىس ساياباعىندا مەرەكەلىك كونسەرت وتكىزىلدى. كوميۋنيتي-ورتالىقتىڭ باسشىسى رۋستام قايرىيەۆتىڭ ايتۋىنشا، ءىس-شارانىڭ ماقساتى — جاستاردىڭ كونستيتۋسيادا بەكىتىلگەن قۇقىقتارى مەن مىندەتتەرى تۋرالى ءبىلىمىن ارتتىرۋ.