الماتىدا كوممۋنالدىق جەلىلەردىڭ قىس مەزگىلىنە دايىندىعى تەكسەرىلدى

 «الماتى تازالىق» كوممۋنالدىق كاسىپورنىنىڭ قىس مەزگىلىنە دايىندىعىن پوليسيا قىزمەتكەرلەرى تەكسەردى.

كەستەگە سايكەس، تەحنيكا، قۇرال-جابدىقتار، جۇمىس ينۆەنتارلارى مەن شىعىن ماتەريالدارى، تازالاۋ جابدىقتارىنىڭ باعىتتارى، سونداي-اق، قىزمەتكەرلەر قۇرامى تەكسەرىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.

 «ماقسات – جول قاۋىپسىزدىگىن قامتاماسىز ەتۋ، جول-كولىك وقيعالارىن ازايتۋ جانە جاۋىن-شاشىن كەزىندە ازاماتتارعا ءقاۋىپسىز جاعداي جاساۋ. تەكسەرۋ كەزىندە بارلىق نيۋانستار ەسكەرىلەدى – ءتىپتى ايماقتارعا شەبەرلەردى تاعايىنداۋ، قوسىمشا قىزمەتكەرلەردى تارتۋ تۋرالى كەلىسىم-شارتتار، تازالاۋ جابدىعىنىڭ بولۋى جانە تازالاۋ جابدىقتارىنا قىزمەت كورسەتۋگە ارنالعان كەلىسىمشارتتار. كوممۋنالدىق كاسىپورىنداردى تەكسەرۋدىڭ ءبىرىنشى كەزەڭى قاراشانىڭ 15-نە دەيىن جۇرگىزىلەدى»، – دەدى الماتى قالالىق پد اكىمشىلىك پوليسيا باسقارماسى باستىعىنىڭ ورىنباسارى بولاتبەك باياتانوۆ.

“الماتى تازالىق” كمك ديرەكتورى ادىلەت توقتاسىنوۆتىڭ ايتۋىنشا، قىس مەزگىلىنە تولىق دايىن.

 «بۇل جۇمىسقا 714 تەحنيكا جۇمىلدىرىلادى، ونىڭ 94ء-ى مەردىگەرلەر ارقىلى. جولدارداعى جاعداي ۋشىعىپ كەتسە، جۇمىسقا قوسىمشا ءبىر مىڭ ادامدى تارتۋعا مۇمكىندىگىمىز بار»، – دەدى ول.