ۆيدەودا قولىنا كەڭسە پىشاعىن ۇستاعان ۇرى الدىمەن كوشەدە تۇرعان كولىكتىڭ ەسىگىن اشۋعا تىرىسادى
24 قاڭتاردا الماتىداعى "كار سيتي" بازارى اۋماعىندا كولىك ۇرلاپ، جول اپاتى كەزىندە كوزگە تۇسكەن كۇدىكتى وزىنە پىشاق جۇمساعان. قالالىق پوليسيا قاسكويدىڭ ورىنسىز ارەكەتى ءتۇسىپ قالعان كولىك يەسىنىڭ ۆيدەوسىن ۇسىندى، دەپ حابارلايدى Almaty-akshamy.kz.
ۆيدەودا قولىنا كەڭسە پىشاعىن ۇستاعان ۇرى الدىمەن كوشەدە تۇرعان كولىكتىڭ ەسىگىن اشۋعا تىرىسادى، ءبىراق جۇرگىزۋشى ەسىكتى جاۋىپ الىپ، وعان مۇمكىندىك بەرمەيدى. قاشىپ بارا جاتىپ، ول ىزىنە تۇسۋشىگە قاراپ قارنىن اشىپ، پىشاقتى جاقىنداتادى.
نەگىزىنەن، ول جول اپاتى ورنىنان قاشقان. ارى قاراي وزگەنىڭ كولىگىنە وتىرىپ، وعان دا كەڭسە پىشاعىن كورسەتىپ، تەز ءجۇرۋدى سۇرايدى. پوليسيا جاساعى ونى قۋىپ جەتىپ، قولىنداعى پىشاعىن الدى. الايدا ول وز-وزىنە بىرنەشە رەت سۋىق قارۋدى جۇمساپ ۇلگەرگەن.
قازىرگى ۋاقىتتا، پوليسيانىڭ مالىمەتىنشە، ۇستالعان ادام مەديسينالىق مەكەمەگە ورنالاستىرىلعان.
پالاتانىڭ جانىندا كۇزەت قويىلدى. ق ر قك-نىڭ 200-بابى، ياعني "ۇرلاۋ ماقساتىنسىز اۆتوكولىكتى نەمەسە وزگە دە كولىك قۇرالىن زاڭسىز يەمدەنۋ" بويىنشا قىلمىستىق ءىس قوزعالدى.
ءتيىستى ساراپتامالار تاعايىندالدى. ءىستىڭ ءمان-جايى انىقتالۋ ۇستىندە.