ۇستالعاندار ۇرلىق پەن توناۋ جاساعانى ءۇشىن ءۇش رەت سوتتى بولعان.
جاڭا جىل قارساڭىندا ولار الماتى قالاسى مەدەۋ اۋدانىنىڭ تۇرعىنىنا تيەسىلى Toyota Camry 70 كولىگىن ۇرلاپ كەتكەن، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ءبىزدىڭ بولىمشە مەن ارنايى جاساق قىزمەتكەرلەرى الماتىدا، سونداي-اق شىعىس قازاقستاندا ارنايى ءىس-شارانى جۇرگىزدى. ريددەر قالاسىندا نەگىزگى ايىپتالۋشى – 42 جاستاعى ە.ەسىمدى ازامات جانە ونىڭ سىبايلاستارىنىڭ ءبىرى ۇستالدى. ال تاعى ەكى كۇدىكتى الماتىدا قولعا ءتۇستى. قاسكويلەردىڭ ۇرلانعان كولىكتى وسكەمەندە جاسىرعاندىعى انىقتالدى. ءبىزدىڭ مالىمەت بويىنشا، ولار قولايلى ءساتتى كۇتىپ، كولىكتى سول جەردە ساتقىسى كەلگەن. قىلمىستىق ءىس ق ر قك-نىڭ 188-بابى 4-بولىگى بويىنشا تەرگەلىپ جاتىر»، – دەدى مەدەۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.