ول قالاداعى اۋرۋحانالاردىڭ بىرىنە جەتكىزىلدى.
الماتىدا كولىك ۇرلاعان ەر ادام پوليسەيلەر ۇستاعان كەزدە ءوزىن پىشاقتاپ تاستادى، دەپ حابارلايدى Almaty-akshamy.kz.
الەۋمەتتىك جەلىدە ەر ادام قانسىراپ جەردە جاتقان ۆيدەو تارادى. ونى پوليسيا قىزمەتكەرلەرى ۇستاعان. ال تاعى ءبىر ۆيدەودا ەر ادام ەس-تۇسسىز جاتىر.
الماتى پوليسياسى وكىلدەرىنىڭ سوزىنشە، ەر ادام ونىڭ Daewoo ماركالى كولىگىن بىرەۋ ايداپ اكەتكەنى تۋرالى حابار بەرگەن. حابارلاسقان ادامنىڭ سوزىنشە، ول كۇدىكتىنى اڭدىپ، ارتىنان جۇرگەن.
ەر ادامعا كومەككە پوليسەيلەر كەلگەن. كۇدىكتى قاشىپ بارا جاتىپ، ءوزىن پىشاقتاعان. ول مەديسينالىق كومەك كورسەتىلۋى ءۇشىن قالاداعى اۋرۋحانالاردىڭ بىرىنە جەتكىزىلدى.
«ءىستىڭ ءمان-جايىن انىقتاۋ بارىسىندا ەر ادام وزگەنىڭ كولىگىن "اقساي" شاعىناۋدانىندا ۇرلاعانى بەلگىلى بولدى. سول جەردە جول اپاتىنا دا تۇسكەن. كولىك يەسى جاياۋ ءجۇرىپ، كۇدىكتىنى قۋىپ جەتپەك بولعان. بۇل دەرەك بويىنشا قىلمىستىق ءىس قوزعالدى»، - دەدى اۋەزوۆ اۋداندىق پوليسيا باسقارماسىنىڭ باسشىسى ۇلان ءابىلقايىر.