الماتىدا پوليسيا كولىك قۇرالدارىنىڭ تەحنيكالىق بايقاۋىن فورمالدى نەمەسە جالعان تۇردە وتكىزۋدىڭ الدىن الۋ شارالارىن كۇشەيتپەك.
جول قوزعالىسىن باقىلاۋ بارىسىندا ۋاكىلەتتى ورگاندار كولىك قۇرالدارىنىڭ تەحنيكالىق جاعدايىن باعالاۋ ساپاسىنا جانە ونىڭ شىنايىلىعىنا قاتىستى ءبىرقاتار ولقىلىقتاردى انىقتادى، - دەپ حابارلايدى Aqshamnews.kz.
بۇل دەرەكتەر پروفيلاكتيكالىق شارالاردى كۇشەيتۋ قاجەتتىگىن جانە قالا جولدارىندا "زاڭ جانە ءتارتىپ" قاعيداتىن قاتاڭ ساقتاۋ ماڭىزدىلىعىن ايعاقتايدى.
- جول قوزعالىسىنىڭ قاۋىپسىزدىگى ەڭ الدىمەن تەحنيكالىق تۇرعىدان جارامدى كولىكتەن باستالادى. تەحنيكالىق بايقاۋدى فورمالدى تۇردە وتكىزۋگە جول بەرىلمەيدى. ءبىز زاڭ اياسىندا ارەكەت ەتە وتىرىپ، قالا كوشەلەرىنە شىققان ءاربىر اۆتوكولىكتىڭ قاۋىپسىزدىك تالاپتارىنا تولىق سايكەس بولۋىن قامتاماسىز ەتەمىز، – دەدى الماتى قالاسى پوليسيا دەپارتامەنتى اكىمشىلىك پوليسيا باسقارماسىنىڭ باستىعى اسحات قۇلبايەۆ.
سونىمەن قاتار پوليسيا وكىلدەرى 2025 جىل قۇقىق بۇزۋشىلىقتاردىڭ الدىن الۋ جىلى بولىپ جاريالانعانىن ەسكە سالا وتىرىپ، كولىك قۇرالدارىن پايدالانۋعا جىبەرۋ كەزەڭىندە زاڭ بۇزۋشىلىقتاردىڭ الدىن الۋعا ايرىقشا نازار اۋدارىلاتىنىن اتاپ ءوتتى.