اۋقىمدى باسقوسۋ ەكى كۇنگە سوزىلادى. ءىس-شارانىڭ ءبىرىنشى كۇنى ساپتىق بايقاۋدان باستالدى.
كولىكتەگى پوليسيا دەپارتامەنتىنىڭ باستىعى وڭال بەكەيەۆتىڭ توراعالىعىمەن ق ر ءىىم م. ەسبولاتوۆ اتىنداعى الماتى اكادەمياسى بازاسىندا دەپارتامەنتتىڭ اۋماقتىق بولىنىستەرىنىڭ باسشى قۇرامىنا وقۋ-ادىستەمەلىك جيىن وتكىزىلۋدە، دەپ حابارلايدى Almaty-akshamy.kz Polisia.kz-كە سىلتەمە جاساپ.
باسقوسۋ بارىسىندا وڭال بەكەيەۆ بۇگىنگى كۇنى ىشكى ىستەر ورگاندارى قىزمەتكەرلەرىنە جۇكتەلگەن باسىم مىندەتتەرگە ەرەكشە نازار اۋداردى. ول ءوز سوزىندە ەل پرەزيدەنتى ق. توقايەۆتىڭ تىكەلەي تاپسىرماسىمەن جانە ىشكى ىستەر ءمينيسترى م. احمەتجانوۆتىڭ قاداعالاپ، ىسكە اسىرىلۋىنا مۇرىندىق بولۋىمەن اۋقىمدى جوبالار جۇزەگە اسىرىلىپ جاتقاندىعىنا توقتالدى.
"الداعى ۋاقىتتا دا پوليسەيلەردىڭ نەگىزگى مىندەتتەرى وزگەرىسسىز قالادى: حالىققا ادال قىزمەت ەتۋ، ازاماتتاردىڭ قۇقىعىن قورعاۋ جانە قوعامدىق ءتارتىپتى مۇلتىكسىز قامتاماسىز ەتۋ. جۇرتقا جاقىن پوليسيا دەگەنىمىز – وقىس جاعدايعا تاپ بولعان ازاماتتارعا كەز كەلگەن ۋاقىتتا، كەز كەلگەن جەردە دەر كەزىندە كومەككە كەلە الاتىن پوليسيا. جاڭا قازاقستاننىڭ پوليسياسى زامان تالابىنا ساي مىندەتتەردى شەشۋگە، كونستيتۋسيالىق ءتارتىپتى ساقتاۋدا بەكەم بولۋلارى ءتيىس"، – دەدى كولىك پوليسياسىنىڭ باسشىسى.
پوليسيانىڭ سەرۆيستىك جۇمىس ۇلگىسىنە كوشۋى وسى ماقساتتا جۇزەگە اسىرىلىپ جاتىر. وسى باعىتتا جەكە قۇرامعا ءىىم-نىڭ تالاپتارى جەتكىزىلىپ، زاڭدىلىق پەن ءتارتىپتى ساقتاۋ جونىندە قوسىمشا نۇسقاۋلار بەرىلدى. بۇدان سوڭ جيىنعا قاتىسۋشىلار ءىىم م. ەسبولاتوۆ اتىنداعى الماتى اكادەمياسىنىڭ باسشىلىعىمەن كەزدەسىپ، ءبىلىم بەرۋ مەكەمەسىنىڭ بۇگىنگى تىنىسىمەن تانىستى.
سونداي-اق، اكادەميانىڭ تۇلەكتەرىمەن دە ارنايى جۇزدەسىپ، ولاردىڭ ىشكى ىستەر ورگاندارىنا، سونىڭ ىشىندە كولىك پوليسياسىنا قىزمەتكە ورنالاسۋ تۋرالى پىكىرلەرى تىڭدالدى. تالاي جىلدان بەرى ىشكى ىستەر ورگاندارىندا ەڭبەك ەتىپ كەلە جاتقان بىلىكتى ماماندار بولاشاق وفيسەرلەرگە قىزمەتتىڭ قىر-سىرى تۋرالى جان-جاقتى اڭگىمەلەپ، ولاردىڭ سۇراقتارىنا جاۋاپ بەردى.
ءىس-شارا شەڭبەرىندە وڭىرلەردەن كەلگەن دەپارتامەنت بولىنىستەرىنىڭ باسشىلىق قۇرامىنا جاۋاپتى ۆەدومستۆانىڭ وكىلدەرىمەن بىرلەسىپ، قاۋىپسىزدىكتى قامتاماسىز ەتۋدەگى پوليسيا جۇمىسىنىڭ سەرۆيستىك مودەلى، توبىر پسيحولوگياسى: داعدارىستى باسقارۋ، سىبايلاس جەمقورلىقتىڭ الدىن الۋ، ءىىو قىزمەتكەرلەرى ءۇشىن كوپشىلىك الدىندا ءسوز سويلەۋ تەحنيكاسى تاقىرىپتارىندا كەڭەيتىلگەن سەمينار-ترەنينگتەر ۇيىمداستىرىلدى.