ۇرلىقشى رەسەي فەدەراسياسىنىڭ ازاماتى بولىپ شىقتى
الماتىدا كولىك ايناسىن ۇرلاعان ەر ادام ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
العاشقى ارىز پوليسياعا 15 قاڭتاردا كەلىپ ءتۇستى. بەلگىسىز بىرەۋ قالا تۇرعىنىنىڭ Mercedes كولىگىنەن ءبۇيىر اينالارىن ۇرلاپ كەتكەن. بىرنەشە كۇننەن كەيىن تاعى ءۇش بىردەي سيگنال كەلدى.
«جەدەل-ىزدەستىرۋ شارالارى بارىسىندا ۇرلىق جاساعان كۇدىكتى ۇستالدى. ول 30 جاستاعى رەسەي فەدەراسياسىنىڭ ازاماتى بولىپ شىقتى. نەگىزىنەن ول Mercedes كولىكتەرىنىڭ ءبۇيىر اينالارىن ۇرلاعان. شاماسى، ولاردى ساتۋدى جوسپارلاعان. قازىرگى ۋاقىتتا ونىڭ 3 ۇرلىق جاساعانى دالەلدەندى. باسقا دا قىلمىستارعا قاتىسى بار-جوعىن انىقتاۋ جالعاسۋدا»، – دەدى بوستاندىق اۋداندىق پوليسيا باسقارماسىنىڭ باستىعى دۋمان اۋحادييەۆ.
ۇستالعان ازاماتتىڭ تۇرعىلىقتى جەرىنەن پوليسيا قىزمەتكەرلەرى ءبۇيىر اينالاردىڭ بىرنەشە جيىنتىعىن تاركىلەدى. انىقتالعان دەرەكتەر بويىنشا سوتقا دەيىنگى تەرگەۋ امالدارى جۇرگىزىلۋدە.