الماتىدا كولىگىنەن جارتىلاي جالاڭاش قىز تۇسكەن جۇرگىزۋشى جازالاندى، دەپ حابارلايدى Polisia.kz.
بۇل – 25 جاستاعى ا. ەسىمدى ازامات. ونىڭ كولىگىنەن جارتىلاي جالاڭاش قىز شىقتى. ەسكە سالايىق، الەۋمەتتىك جەلىلەردە زاڭ بۇزۋشىلىقتارى بار ۆيدەو ەكى كۇن بۇرىن پايدا بولعان.
– بۇل دەرەك مونيتورينگ بارىسىندا انىقتالدى. جۇرگىزۋشىنى انىقتاپ، جاۋاپكەرشىلىككە تارتۋ شارالارى قولعا الىندى. ناتيجەسىندە، ءبىزدىڭ بولىمشەنىڭ قىزمەتكەرى قۇقىق بۇزۋشىعا قاتىستى 230-باپتىڭ 2-بولىگى (ساقتاندىرۋدىڭ بولماۋى)، 590-باپتىڭ 9-بولىگى (تەحنيكالىق بايقاۋدىڭ بولماۋى)، 593-باپتىڭ 1-بولىگى (جولاۋشىلاردى تاسىمالداۋ ەرەجەلەرىن بۇزۋ)، 599-باپتىڭ 1-بولىگى (باعدارشامنىڭ تىيىم سالىنعان بەلگىسىنە قوزعالۋ) بويىنشا ءتورت اكىمشىلىك حاتتاما تولتىرىلدى. سونىمەن قاتار، جۇرگىزۋشىمەن قۇقىقتىق ءتۇسىندىرۋ جۇمىستارى جۇرگىزىلدى. سونداي-اق، كولىكتەن تۇسكەن قىزعا قاتىستى دا اكىمشىلىك شارا قولدانىلعانىن حابارلايمىن. وعان ق ر اقبك-نىڭ 434-بابى (ۇساق بۇزاقىلىق) بويىنشا ايىپ تاعىلدى، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ماناپ ساتتاروۆ.