بۇل تۋرالى الماتى اكىمى ەربولات دوسايەۆ جۇمىس ساپارى اياسىندا حالىقپەن كەزدەسۋدە مالىمدەدى.
ول الماتى قالاسىنىڭ الاتاۋ اۋدانىندا ينجەنەرلىك جەلىلەردى دامىتۋ بويىنشا جوبالار جالعاسىپ جاتقانىن اتاپ ءوتتى، دەپ حابارلايدى Almaty-akshamy.kz
2018-2020 جىلدارى كوكقاينار شاعىن اۋدانىندا سۋمەن جابدىقتاۋ جانە كارىز جەلىلەرىن سالۋ بويىنشا جۇمىستار جۇرگىزىلدى. اۋداننىڭ دامۋىمەن ينجەنەرلىك كوممۋنيكاسيالار جەلىلەرىن كەڭەيتۋ قاجەتتىلىگى تۋىندادى.
بۇرىن ينجەنەرلىك جەلىلەرگە قوسىلماعان جانە 400-دەن استام ادام تۇراتىن 80 ءۇي سۋمەن جانە كارىزبەن قامتىلاتىن بولادى. ۇزىندىعى 3 كم جەلىلەر اقباستاۋ، بەساعاش، ارقالىق، كوكقاينار، اقشاعىل جانە مامبەتوۆ كوشەلەرىمەن وتەدى.
وسىلايشا، كوكقاينار شاعىن اۋدانى سۋ قۇبىرى مەن كارىز جەلىلەرىمەن تولىق قامتاماسىز ەتىلەدى.
اتالعان ۋچاسكەدە تاراتۋ جەلىلەرىن سالۋ اعىمداعى جىلعا جوسپارلانعان. ءقازىر جوبا مەملەكەتتىك ساراپتامادان وتۋدە.
ەسكە سالساق، الماتىنىڭ الاتاۋ اۋدانىنداعى 11 شاعىن اۋدانىندا ينجەنەرلىك جەلىلەردى دامىتۋ اياسىندا بيىل ايتارلىقتاي جوبالار جوسپارلانعان.