قالا اكىمى جاڭا فورماتتاعى كىتاپحاناعا باردى
الماتى كىتاپحاناشىلارى جاڭا تاسىلدەردى ۇيرەنۋ ءۇشىن گەرمانيا مەن شۆەيساريادا تاعىلىمدامادان وتەدى، دەپ حابارلايدى almaty-akshamy.kz
جۇمىس ساپارى بارىسىندا الماتى اكىمى ەربولات دوسايەۆ №14 كىتاپحاناعا بارىپ، ونى جاڭعىرتقاننان كەيىن جۇمىستىڭ جاڭا فورماتىمەن تانىستى. ءقازىر كىتاپحانادا وتىراتىن ورىنداردىڭ سانى ارتىپ، جەكە جۇمىسقا ارنالعان جايلى وقۋ زالدارى، ينتەرنەت-زالدار، ەرەكشە قاجەتتىلىكتەرى بار ادامدارعا ارنالعان بولىمشەلەر جانە برايل ءشريفتى بار ادەبيەتتەر قۇرىلدى. سونداي-اق، كىتاپ قورى مەن ماتەريالدىق-تەحنولوگيالىق بازا جاڭارتىلدى.
«ءبىزدىڭ كىتاپحاناعا نەگىزىنەن وقۋشىلار مەن ستۋدەنتتەر كەلەدى، ءتورت مەكتەپ پەن ەكى ۋنيۆەرسيتەت جاقىن جەردە ورنالاسقان. مودەرنيزاسيادان كەيىن وقىرماندار سانى 50%-عا ءوستى. مۇندا وقۋ ءۇشىن تاماشا جاعدايلار، ءارتۇرلى تىلدەردەگى ادەبيەتتەردىڭ الۋان تۇرلىلىگى، عىلىمي ەڭبەكتەر، ەنسيكلوپەديالار بار»، - دەپ ءتۇسىندىردى №14 كىتاپحانا-فيليالىنىڭ مەڭگەرۋشىسى قۇندىز نابيدوللا.
بۇگىنگى تاڭدا الماتىنىڭ ورتالىقتاندىرىلعان كىتاپحانا جۇيەسىنىڭ كىتاپ قورى 1،3 ملن-نان استام كىتاپتى قۇرايدى. ماماندار ءقازىردىڭ وزىندە 7 مىڭنان استام كىتاپتى سيفرلاندىردى، ونىڭ 1300ء-ى ەلەكتروندى وقۋ زالىندا بار.
الماتى اكىمى ەربولات دوسايەۆ كىتاپحانا قىزمەتكەرلەرى وزدەرىنىڭ كاسىبي داعدىلارىن ۇنەمى كەڭەيتىپ، جۇمىستاعى زاماناۋي تاسىلدەردى زەردەلەۋى ءتيىس ەكەنىن ەرەكشە اتاپ ءوتتى. ول ءۇشىن وتكەن جىلى الماتى قالاسىن دامىتۋدىڭ جول كارتاسى اياسىندا مەگاپوليستىڭ 12 كىتاپحاناشىسى سەۋلدە تابىستى تاعىلىمدامادان ءوتىپ، كىتاپحانالىق قىزمەت كورسەتۋدىڭ زاماناۋي تاسىلدەرىن زەردەلەدى. بيىل ماماندار گەرمانيا مەن شۆەيساريادا تاعىلىمدامادان وتەدى.
«جاستار كىتاپحاناسىنىڭ كاسىبي قوعامداستىعىن دامىتۋ ءۇشىن حالىقارالىق جوبالار مەن تاعىلىمدامالار قاجەت. ءقازىر الماتى كىتاپحانالارىندا 400-گە جۋىق ادام جۇمىس ىستەيدى، بۇل نەگىزىنەن جاس كادرلار ەكەنى قۋانتادى. وتكەن جىلى سالا قىزمەتكەرلەرىنىڭ جالاقىسى ۇشتەن بىرىنە ءوستى، كادرلار اينالىمى بىرنەشە ەسە تومەندەدى. الماتىلىقتار وقۋدى جاقسى كورەدى. وتكەن جىلى عانا ءبىزدىڭ كىتاپحانالارعا كەلۋشىلەر سانى 3 ملن-نان استى»، - دەدى قالا اكىمى ەربولات دوسايەۆ.
ول سونداي-اق اقپاراتتىق عاسىردا وسكەلەڭ ۇرپاقتىڭ وقۋعا دەگەن قىزىعۋشىلىعىن وياتۋ جانە ساقتاۋ ماڭىزدى ەكەنىن اتاپ ءوتتى. كىتاپحانالاردى ترانسفورماسيالاۋ ءدال وسى ماسەلەنى شەشۋگە باعىتتالعان.
№14 كىتاپحانا-فيليالى ءوز جۇمىسىن 1983 جىلى باستادى جانە قالانىڭ ورتالىقتاندىرىلعان كىتاپحانا جۇيەسىنىڭ بولىگى بولىپ تابىلادى. ونىڭ قۇرامىنا 28 كىتاپحانا كىرەدى. بۇگىندە ونىڭ 18ء-ى جاڭعىرتىلدى. ونىڭ ىشىندە 3 نىسان تاۋلىك بويى جۇمىس ىستەيدى، قالعاندارى – وزگەرتىلگەن كەستە بويىنشا: ساعات 9.00-دەن 20.00-گە دەيىن، دەمالىسسىز.