كەشكى ساعات 17:00 شاماسىندا اسا اۋىر قىلمىس جاسالعان.
المالى اۋدانىنداعى ۇيلەردىڭ ءبىرىنىڭ كىرەبەرىسىندە دەنەسىندە پىشاق جاراقاتتارى بار ەر ادامنىڭ ءمايىتى تابىلدى، حابارلايدى almaty-akshamy.kz. Polisia.kz-كە سىلتەمە جاساپ. .
– بۇل قىلمىس “ءىزىن سۋىتپاي” اشىلدى. ادام ءولتىردى دەگەن كۇدىكپەن “بۋران-065” پاترۋلدىك پوليسياسىنىڭ ەكيپاجى ايەل ادامدى ۇستادى. ول ولتىرىلگەن ەر ادامنىڭ تۋىسى ەكەنى انىقتالدى. ولاردىڭ اراسىندا كيكىلجىڭ بولىپ، ناتيجەسىندە ايەل ادامنىڭ قولىنا پىشاق العاندىعى بەلگىلى بولدى. كىسى ءولتىرۋ دەرەگى بويىنشا قىلمىستىق ءىس قوزعالدى. ساراپتامالار تاعايىندالدى. باسقا دا ءمان-جايلار انىقتالادى، – دەدى المالى اۋداندىق پوليسيا باسقارماسىنىڭ باستىعى ولجاس ءشارىپوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.