قازىرگى ۋاقىتتا تەرگەۋ امالدارى جۇرگىزىلىپ جاتىر، دەپ حابارلايدى aqshamnews.kz
"ينتەرنەت-الاياقتىقتىڭ زاماناۋي تۇرلەرىنىڭ الدىن-الۋ" جوباسىن ىسكە اسىرۋ شەڭبەرىندە الماتى قالاسىنىڭ پروكۋراتۋراسى كيبەرقىلمىسپەن بايلانىستى قىلمىستىق سحەمالاردى انىقتاۋ جانە جولىن كەسۋ جونىندە بەلسەندى جۇمىستى جالعاستىرادى.
19 تامىزدا پروكۋراتۋرانىڭ ۇيلەستىرۋىمەن جانە "قازاقتەلەكوم" اق-مەن ىنتىماقتاسا وتىرىپ، ۇقكد جانە قالانىڭ پد جەدەل سۇيەمەلدەۋىمەن قازاقستاننىڭ 2 ازاماتى ۇستالدى.
تەرگەۋ مالىمەتتەرىنە سايكەس ولار، شەتەلدىك سەرىكتەستەرمەن ءسوز بايلاسىپ، ينتەرنەت-الاياقتىق سحەماسىن ىسكە اسىرۋ كەزىندە ولارعا زاڭگەرلىك كومەك كورسەتكەن.
"كۇن سايىن وسى سحەمانى پايدالانا وتىرىپ، اقشالاي قاراجاتتى ۇرلاۋ ماقساتىندا ەلدەگى ازاماتتارعا 2000-عا دەيىن قوڭىراۋ شالعان. قازىرگى ۋاقىتتا تەرگەۋ امالدارى جۇرگىزىلىپ، قىلمىستىق ارەكەتتىڭ بارلىق ءمان-جايى انىقتالۋدا"، – دەلىنگەن قالالىق پروكۋراتۋرا حابارلاماسىندا.