الماتىدا كەزەكتى پاتەر ۇرىلارى ۇستالدى

ۇرىلار قىلمىس ۇستىندە قولعا ءتۇستى.

كريمينالدىق پوليسيانىڭ مالىمەتىنشە، وڭاي جولمەن اقشا تابۋدى ۇناتۋشىلار ساعات 19:40-دا بوتەننىڭ ۇيىنە كىرگەن. ولار سول جاقتان شىعىپ بارا جاتقان كەزدە ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.

«قاسكويلەر بۇل ۇيگە كىرمەس بۇرىن ونى سىرتتان باقىلاعان. ولار پاتەردىڭ نەمەسە ءۇيدىڭ بوس ەكەنىنە كوز جەتكىزگەن كەزدە، كىلتتى ۇيلەستىرىپ اشقان جانە تەرەزە ارقىلى ۇيگە كىرگەن. ۇستاۋ كەزىندە كۇدىكتىلەردەن التىن بۇيىمدار مەن باسقا دا اشەكەيلەر تاركىلەندى. ولاردىڭ يەسى ماتەريالدىق شىعىندى جارتى ميلليون تەڭگەگە باعالاعان. تەرگەۋدىڭ وسى كەزەڭىندە بۇل ەكەۋى جاساعان ءۇش پاتەر ۇرلىعى انىقتالدى، ونىڭ ەكەۋى قالانىڭ تۇركسىب اۋدانىندا، تاعى بىرەۋى المالى اۋدانىندا بولدى»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ديدار احانوۆ.

احانوۆتىڭ ايتۋىنشا، كۇدىكتىلەر قاماۋعا الىندى. ۇستالعان 29 جاستا ا.ەسىمدى ازامات بۇرىن مۇلىكتىك قىلمىستار جاساعانى ءۇشىن سوتتى بولعان، قىلمىستىق ارەكەتتەردىڭ تاعى ءبىر سىبايلاسى – 1981 جىلى تۋعان ك.ەسىمدى ازامات. ول بۇعان دەيىن قىلمىستىق جاۋاپكەرشىلىككە تارتىلماعان. ۇستالعانداردىڭ جەكە باسى باسقا دا زاڭسىز ارەكەتتەرگە قاتىسى بار-جوعىنا تەكسەرىلىپ جاتىر.