پورتالدا بيزنەسكە ارنالعان قىزمەتتەر تىزبەگى كەڭەيتىلەتىن بولادى.
"الماتى قالاسىن 2025 جىلعا دەيىن جانە ورتا مەرزىمدى پەرسپەكتيۆالاردى 2030 جىلعا دەيىن دامىتۋ" باعدارلاماسىن ىسكە اسىرۋ شەڭبەرىندە، مەگاپوليستە كاسىپكەرلىكتىڭ سيفرلىق كارتاسى قالىپتاستىرىلاتىن بولادى. جاڭاشىلدىق شاعىن جانە ورتا بيزنەستىڭ جاعدايىن باعالاۋ ءۇشىن almatybusiness.gov.kz ۆەب-پورتالى بازاسىنا ەنگىزىلەدى، دەپ حابارلادى Almaty-akshamy.kz.
كارتا كاسىپكەرلىكتىڭ دامۋ ترەندىن قاداعالاۋعا جانە سىرتقى ورتانىڭ وزگەرمەلى جاعدايلارىنا تەز بەيىمدەلۋگە مۇمكىندىك بەرەدى، ول تۇراقتى تۇردە جاڭارتىلىپ وتىرادى. سيفرلىق ءونىم كاسىپكەرلىك ورتانىڭ اعىمداعى جاعدايى مەن قاجەتتىلىكتەرىن ەسكەرە وتىرىپ، قالانىڭ كەڭىستىكتىك دامۋىنىڭ كەشەندى كوزقاراسىنا مۇمكىندىك بەرەدى. وسىلايشا، ونلاين-قىزمەتكە قول جەتىمدىلىكتى ارتتىرۋ ماقساتىندا، پورتالدا بيزنەسكە ارنالعان قىزمەتتەر تىزبەگى كەڭەيتىلەتىن بولادى، مىسالى، بەلگىلى ءبىر قىزمەت ءتۇرى ءۇشىن قولايلى ورىندى تاڭداۋ فۋنكسياسى ەنگىزىلەدى.
سونىمەن بىرگە، 2025 جىلعى مەرزىمگە دەيىن جىل سايىن وزەكتەندىرىلە وتىرىپ، الماتى قالاسىنىڭ ينۆەستيسيالىق كارتاسىن بەكىتۋ جوسپارلانىپ وتىر. «Qoldaý» كاسىپكەرلىك ورتالىعىنىڭ نەگىزىندە «Almaty Invest» ينۆەستيسيالارىن تارتۋ بويىنشا قالالىق فرونت-وفيس قۇرىلاتىن بولادى، وندا ينۆەستورلارمەن ءوزارا ءىس-قيمىل جاساۋ ينۆەستيسيالىق جوبالاردىڭ بۇكىل ومىرلىك اينالىمى بويىنا "ءبىر تەرەزە" (First stop shop) قاعيداتى بويىنشا جۇرگىزىلەتىن بولادى. جاڭا ينۆەستورلاردى تارتۋمەن قاتار، ءفرونت-وفيستىڭ جۇمىسى ارەكەت ەتىپ جۇرگەن ينۆەستورلاردى جاڭا جوبالارعا قايتا ينۆەستيسيا سالۋعا ىنتالاندىرۋعا باعىتتالاتىن بولادى.
سونداي-اق، ينۆەستيسيالاردى تارتۋعا حالىقارالىق ۇيىمدار مەن ترانسۇلتتىق كومپانياسىنىڭ وڭىرلىك وكىلدىكتەرىن ورنالاستىرۋ ىقپال ەتەتىن بولادى. بۇگىندە، الماتىدا 80-نەن استام وڭىرلىك وكىلدىكتەر بار. 2030 جىلعا دەيىن ترانسۇلتتىق كومپانياسىنىڭ تاعى دا كەمىندە 50 وكىلدىگىن اشۋدى قامتاماسىز ەتۋ جوسپارلانىپ وتىر. جوعارىدا اتالعان شارالاردى ىسكە اسىرۋ ونىڭ كولەڭكەدەن شىعۋىنا جانە ۇسىنىلاتىن قىزمەتتەردىڭ ساپاسىن جاقسارتۋعا، قالا ەكونوميكاسىن تۇراقتى دامىتۋعا باعىتتالعان ساپالى ينۆەستيسيالار تارتۋعا كومەك كورسەتە وتىرىپ، بيزنەستىڭ تۇراقتىلىعىن ارتتىرادى.