22 جاسار ايەل كاسىپكەرلەردى 30 ميلليون تەڭگەگە الداپ كەتكەن.
الماتى پوليسەيلەرى قالاداعى كاسىپكەرلەردى الدادى دەگەن كۇدىكپەن جاس ايەلدى ۇستادى، دەپ حابارلايدى Almaty-akshamy.kz.
ىشكى ىستەر مينيسترلىگىنىڭ رەسمي سايتىنداعى مالىمەتتەر بويىنشا، الماتى قالاسى المالى اۋدانىنىڭ پوليسەيلەرى ءوزىن ۇيالى تەلەفونداردىڭ ساتۋشىسى رەتىندە كورسەتكەن 22 جاستاعى ا.ەسىمدى ازاماتشا كوتەرمە جەتكىزۋشىلەردەن ءموبيلدى قۇرىلعىلاردى الىپ، ۇستاتپاي كەتكەن. ناتيجەسىندە تەلەفون دا جوق، اقشا دا جوق، كاسىپكەرلەر جەر سيپاپ قالعان.
«4 جەكە كاسىپكەر پوليسياعا رەسمي تۇردە ارىزبەن جۇگىندى، ولار كەلتىرىلگەن ماتەريالدىق شىعىندى 30 ميلليون تەڭگەگە باعالادى. كۇدىكتى ۇستالدى جانە ق ر قك-نىڭ 190-بابى بويىنشا قىلمىستىق جاۋاپكەرشىلىككە تارتىلدى. ونىڭ جەكە باسىنىڭ باسقا دا وسىعان ۇقساس ەپيزودتارعا قاتىستىلىعى تەكسەرىلۋدە. وسىعان بايلانىستى باسقا دا جابىرلەنۋشىلەر بولسا، تەرگەۋشىلەرگە مىنا تەلەفون نومىرلەرى ارقىلى حابارلاسا الادى: 8-708-707-92-02 جانە 8-705-555-77-63»، – دەدى المالى اۋداندىق پوليسيا باسقارماسىنىڭ باستىعى ەسەن ىسقاقوۆ.
