قىلمىستىق ءىس الماتى قالاسى ناۋرىزباي اۋداندىق سوتىندا قارالىپ جاتىر.
الماتىدا وزدەرىن توتەنشە جاعداي ماماندارى رەتىندە تانىستىرىپ، كاسىپكەرلەردەن اقشا بوپسالاعان الاياقتارعا قاتىستى سوت وتىرىسى باستالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«سوت وتىرىسى بارىسىندا سوتتالۋشىلار مەن ولاردىڭ ادۆوكاتتارى ب ا ق وكىلدەرىنىڭ سوت پروسەسىن جاريالاۋىنا قارسىلىق ءبىلدىردى. ادۆوكاتتار بۇل ىسكە جابىرلەنۋشىلەردىڭ بارلىعى قاتىسپايتىنىن جانە سوت وتىرىسىنىڭ ەندى عانا باستالعانىن ايتتى. ولاردىڭ پىكىرىنشە، بۇل ءىستى جاريالاۋعا ءالى ەرتە.
اۋداندىق سوتتىڭ سۋدياسى جۋرناليستەرگە ادۆوكاتتار مەن ايىپتالۋشىلاردى ۆيدەو مەن سۋرەتكە تۇسىرۋگە تىيىم سالدى. سونداي-اق سۋديا سوت ۇكىمى شىققانعا دەيىن ءىستى بۇقارالىق اقپارات قۇرالدارىندا جاريالاماۋ تۋرالى شارت قويدى.
بۇعان دەيىن الماتى قالالىق پروكۋراتۋراسى «نۇر-سۇلتانپروم بەزوپاسنوست» ج ش س قىزمەتكەرلەرى وزدەرىن تج ورگاندارىنىڭ ماماندارى رەتىندە تانىستىرىپ، بيزنەس سۋبەكتىلەرىنە ايىپپۇل سالامىز دەپ قورقىتقانىن ايتقان بولاتىن.
ۆەدومستۆا مالىمەتىنشە، مۇنداي قىلمىستىق سحەما جۇيەلى بولدى. تەك قازىرگى ۋاقىتتا الماتىنىڭ ناۋرىزباي جانە اۋەزوۆ اۋداندارىندا زارداپ شەككەن 30-دان استام كاسىپكەر انىقتالدى. مۇنداي زاڭسىز ىس-ارەكەتتەر بيزنەسكە قىسىمدى تومەندەتۋ بويىنشا جۇرگىزىلىپ جاتقان مەملەكەتتىك شارالاردىڭ بەدەلىن تۇسىرەدى جانە ولارعا نۇقسان كەلتىرەدى
اتالعان فاكتىلەر بويىنشا ناۋرىزباي اۋدانىنىڭ پروكۋراتۋراسى قىلمىستىق ءىستى قوزعاۋعا باستاماشىلىق ەتتى، ناتيجەسىندە الاياقتىق جاسادى دەگەن كۇدىكپەن 1991 جانە 1995 جىلى تۋعان ەكى ازامات ۇستالدى، ولار سوتتىڭ سانكسياسىمەن قاماۋعا الىنعان بولاتىن.
كۇدىكتىلەردىڭ قىلمىسى دالەلدەنسە، ولار 7 جىلعا دەيىن باس بوستاندىعىنان ايىرىلۋى مۇمكىن.