الماتىدا كارانتين تالاپتارىن بۇزعان ويىن-ساۋىق ورىندارى جاريالاندى

وسى جىلدىڭ 20 ناۋرىزى مەن 7 ماۋسىمى ارالىعىندا بارلىق بەلگىلەنگەن شەكتەۋلەردى بۇزعان 1088 جاعداي انىقتالدى.

الماتىدا 4-7 ماۋسىم ارالىعىندا بەلگىلەنگەن شەكتەۋلەردى بۇزعان 36 جاعداي انىقتالدى، دەپ حابارلايدى Almaty-akshamy.kz.

وڭىرلىك كوممۋنيكاسيالار قىزمەتىنىڭ مالىمەتىنە سايكەس، دەمالىس كۇندەرى مونيتورينگتىك توپتار كۇشەيتىلگەن رەجيمدە جۇمىس ىستەگەن.

ايتا كەتسەك، الماتىدا ماۋسىمنىڭ 4-ىنەن 5-ىنە قاراعان ءتۇنى بەلگىلەنگەن شەكتەۋدى بۇزعان 19 جاعداي انىقتالدى.

ءتارتىپ بۇزعاندار تىزىمىندە:

اۋەزوۆ اۋدانىنداعى «دوستار سارايى» مەيرامحاناسى 150 ادامعا ارنالعان ۇيلەنۋ تويىن وتكىزگەن. سول ۋاقىتتا بوستاندىق اۋدانىنا قاراستى Han Sarai مەيرامحاناسىندا دا توي وتكەن. مەدەۋ اۋدانىندا The Monkey كافەسىندە 150-گە جۋىق ادام بولسا، «نەبو» بارىندا دا 120-عا جۋىق ادام جينالىپ، زاڭ بۇزۋشىلىققا جول بەرگەن.

ماۋسىمنىڭ 5-ىنەن 6-سىنا قاراعان ءتۇنى تەكسەرۋشىلەردىڭ موبيلدىك توبى بەلگىلەنگەن شەكتەۋگە باعىنباعان 14 جاعدايدى انىقتادى.

ناۋرىزباي اۋدانىنداعى «يلحام» مەيرامحاناسىندا 150 ادامعا ەسەپتەلگەن سالتاناتتى ءىس-شارا وتكەن.

بوستاندىق اۋدانىنىڭ تەكسەرۋشىلەرى Hide Park ويىن-ساۋىق پاركىنىڭ فۋدكورتىندا 150-گە جۋىق ادامنىڭ جينالعانىن انىقتادى.

مەدەۋ اۋدانىندا ىشىندە 150-گە جۋىق ادام بولعان «اتموسفەرا» مەيرامحاناسىن انىقتادى. تاعى ءبىر زاڭ بۇزۋشىلىق 200 ادام جينالعان «لەيد نايد شوۋدا» انىقتادى.

«دوس» كومپيۋتەرلىك كلۋبىندا  40-قا جۋىق ادام بولسا،  مەدەۋ اۋدانىنداعى «پينتا» بارىندا دا 100-گە جۋىق ادام جينالىپ، زاڭ بۇزۋشىلىققا جول بەرگەن.

الماتى اكىمدىگى قالا تۇرعىندارى مەن قوناقتارىن كارانتين رەجيمىن قاتاڭ ساقتاۋعا، جۇقتىرۋ ءقاۋپىن ازايتۋ ماقساتىندا سالتاناتتى ءىس-شارالارعا، ادام كوپ جينالاتىن جەردەن اۋلاق بولۋعا شاقىرادى.