قالادا رەيد ءجۇردى.
الماتىنىڭ مونيتورينگ توبى ەكى كۇندە كارانتين تالاپتارىن بۇزۋدىڭ 35 جاعدايىن انىقتادى، دەپ حابارلايدى Almaty-akshamy.kz. قازاقپارات سايتىنا سىلتەمە جاساپ.
اتالعان مونيتورينگ توبىنىڭ مالىمەتىنشە، ەكى كۇن ىشىندە 35-كە جۋىق كارانتين شەكتەۋىنىڭ ساقتالماعانى انىقتالدى. تەكسەرۋشىلەر تۇنگى ساعات 22.00-دەن كەيىن جۇمىس ىستەيتىن بىرنەشە مەيرامحانا مەن كاراوكەنى تىركەدى. قالادا كۇنىنە 15 زاڭ بۇزۋشىلىق انىقتالادى.
مىسالى، 19 تامىزدا، ساعات 22.14 شاماسىندا المالى اۋدانىنىڭ ءومىرزاقوۆ كوشەسىندەگى «پرەمەر-حولل» بانكەت زالىنان 40-قا جۋىق كەلۋشى شىعارىلدى. مەكەمە يەسىن اكىمشىلىك جاۋاپقا تارتۋ ءۇشىن اۋداندىق سانيتارلىق-ەپيدەميولوگيالىق باقىلاۋ باسقارماسىنا ماتەريالدار بەرىلدى. 21 تامىزدا ءبىرقاتار زاڭ بۇزۋشىلىق انىقتالدى. مەدەۋ اۋدانىنىڭ تەكسەرۋشىلەرى ساعات 01.34 شاماسىندا دوستىق داڭعىلى بويىنداعى «باريتون» كاراوكەسى جۇمىس ىستەگەنىن، وندا 40 ادامنىڭ بولعانىن انىقتادى.
بوستاندىق اۋدانىنداعى «فورساج» كافەسى دە ءتارتىپ بۇزۋشىلاردىڭ تىزىمىندە. 18 تامىزدا، شامامەن 22.24 ساعاتتا مەكەمە كارانتيندىك شەكتەۋلەرگە قاراماستان جۇمىس ىستەدى جانە كەلۋشىلەردى قابىلدادى. ەسكە سالساق، الماتىدا تامىزدا كوروناۆيرۋس اۋرۋى ءورشي ءتۇستى. دەرت جۇقتىرۋ تاۋلىگىنە 1 500-1 600 جاڭا جاعدايعا جەتتى. وسىعان بايلانىستى مەگاپوليستە 1 قىركۇيەككە دەيىن كارانتين رەجيمى ەپيدەميولوگيالىق جاعدايدىڭ «قويۋ قىزىل» ايماعىنا سايكەس ۇزارتىلدى.
سانيتارلىق-ەپيدەميولوگيالىق باقىلاۋ دەپارتامەنتى قوعامدىق تاماقتانۋ ورىندارىنىڭ تۇنگى جۇمىسىنا تىيىم سالدى. 20 ناۋرىزدان باستاپ قازىرگى ۋاقىتقا دەيىن بارلىعى 2 مىڭداي كارانتين شەكتەۋىن بۇزۋ فاكتىسى انىقتالدى. پوليسيا بولىمشەلەرىنە 3 300-دەن استام ادام جەتكىزىلدى.