قالالىق شتاب قاۋىپسىزدىك شارالارىن ساقتاۋعا شاقىرادى.
الماتىدا مونيتورينگتىك توپتار 2-7 تامىز ارالىعىندا 840 نىساندى تەكسەردى، ولاردىڭ 147-سىندە كارانتيندىك شارالاردى بۇزۋ انىقتالدى. بىرنەشە رەت بەرىلگەن ەسكەرتۋلەرگە قاراماستان، كاسىپكەرلەر بەلگىلەنگەن جۇمىس ۋاقىتىن بۇزۋدى، تويلاردى ۇيىمداستىرۋدى جالعاستىرۋدا. سونىمەن قاتار، ينسپەكتورلار قوعامدىق كولىكتە تەكسەرۋ جۇرگىزىپ، بەتپەردە رەجيمىن بۇزۋشىلاردى دا انىقتاۋدا.
اۋداندىق اكىمدىكتەردىڭ، جەرگىلىكتى پوليسيا قىزمەتىنىڭ قىزمەتكەرلەرىنەن، «اتامەكەن» كاسىپكەرلەر پالاتاسىنىڭ وكىلدەرىنەن تۇراتىن مونيتورينگتىك توپتاردىڭ تەكسەرۋ ناتيجەلەرى بويىنشا 63 حاتتاما جاسالدى، ونىڭ ىشىندە زاڭدى تۇلعالارعا 2348 185 تەڭگە سوماسىندا 7 ايىپپۇل سالىندى. جەكە تۇلعالارعا قاتىستى ماسكا رەجيمىن بۇزعانى ءۇشىن 39 حاتتاما تولتىرىلىپ، 494 035 تەڭگە كولەمىندە ايىپپۇل سالىندى.
الماتىداعى ساۋدا مەكەمەلەرىندە، قوعامدىق كولىكتەردە جانە قوعامدىق تاماقتانۋ ورىندارىندا COVID-19 بويىنشا ەپيدەمياعا قارسى تالاپتاردىڭ ساقتالۋىنا كۇن سايىن مونيتورينگ جۇرگىزىلەدى. مىسالى، 5-8 تامىز ارالىعىندا زاڭ تالاپتارىن بۇزعان 83 زاڭدى تۇلعا انىقتالدى. وتكەن اپتادا باقىلاۋ توپتارى قوعامدىق كولىكتەردە ماسكا رەجيمىنىڭ ساقتالۋىن تەكسەردى. 110-نان استام اۆتوبۋس تەكسەرىلىپ، 23 ادامعا قاتىستى ق ر اقبتك 1ء-بولىمىنىڭ 425-بابى بويىنشا اكىمشىلىك حاتتامالار تولتىرىلدى. زاڭ بۇزۋشىلىقتار نەگىزىنەن مىنا اۆتوبۋس باعىتتارىندا انىقتالدى: 1، 98، 32، 123، 79، 11، 9، 45، 22، 135، 105، 201، 7، 126، 60، 114، 25، 5، 5ۆ، 29، 65 ، 37، 205، 224، 20، 148، 38، 62، 210، 45، 18. بارلىق ماتەريالدار ءتيىستى شارالار قولدانۋ ءۇشىن اۋداندىق سانيتارلىق-ەپيدەميولوگيالىق باقىلاۋ بولىمدەرىنە جىبەرىلدى. ەسكە سالساق، قازىرگى ۋاقىتتا الماتى «قوڭىر قىزىل ايماقتا». وسىعان بايلانىستى اۋرۋدىڭ تارالۋىن بولدىرماۋ ءۇشىن ءبىرقاتار شەكتەۋ شارالارى ىسكە اسۋدا.
وڭتۇستىك استانادا وتكەن اپتادا بىرنەشە توي انىقتالدى.
سونىمەن، 5 تامىزدا ناۋرىزباي اۋدانىندا ساعات 16.09 شاماسىندا قالقامان شاعىناۋدانىنداعى «مارا» مەيرامحاناسىندا 40 ادامنىڭ قاتىسۋىمەن مەرەكەلىك شارا ءوتتى.
7 تامىزدا مەدەۋ اۋدانىندا ساعات 00.31 شاماسىندا «Billionaire» كاراوكە-بار جۇمىس ىستەدى، وندا شامامەن 40 ادام بولدى.
ءدال سول كۇنى المالى اۋدانىندا «Premier Hall» مەيرامحاناسىنداعى كارانتين تالابىن بۇزىپ، 100 قوناقتىڭ قاتىسۋىمەن وتكىزىلىپ جاتقان توي تىركەلدى.
المالى اۋدانىندا 7 تامىزدا شامامەن 21.24 ساعاتتا «كرىشا ميرا» بارىندا بۇزۋشىلىق تىركەلدى، وندا ءبىر مەزگىلدە 300-گە جۋىق ادام بولدى.
7 تامىزدا بوستاندىق اۋدانىندا ساعات 14.10 شاماسىندا «Bi Kumis Restauran» مەيرامحاناسىنىڭ سالتانات زالىندا 150 ادامنىڭ قاتىسۋىمەن توي ءوتىپ، زاڭ بۇزۋشىلىق تىركەلدى.
مەدەۋ اۋدانىنىڭ مونيتورينگتىك توبى 08.08.21 ج. «رويال تۋليپ» قوناق ءۇي كەشەنىنىڭ اۋماعىندا «Black star burger» وكىلدەرى شارا وتكىزگەن. قۇقىق بۇزۋشىلىق فاكتىسى بويىنشا «رويال تۋليپ» جانە «Black star burger» ءقوناقۇي كەشەنىنىڭ وكىلدەرىنەن تۇسىندىرمە الىندى.
ەسكە سالساق، الماتىدا ەپيدەميولوگيالىق احۋال ۋشىعىپ تۇر، كۇنىنە 1500-دەن استام جاعداي تىركەلەدى، سايكەسىنشە اۋرۋحاناعا جاتقىزۋ سانى ارتىپ كەلەدى. بۇگىندە جۇقپالى اۋرۋلار اۋرۋحانالارىندا 5 591 ادام بار، ولاردىڭ 187ء-سى بالالار. رەانيماسيادا 397 پاسيەنت بار، 63 ادام ءوجج اپپراتىنا، 159 ءينۆازيۆتى ەمەس ءوجج اپپاراتىنا، High flow اپپاراتىنا 152 ادام قوسىلعان. امساك پەن تەلەمەديسينا ورتالىعىنىڭ ءموبيلدى توپتارى 11624 پاسيەنتتى ۇيلەرىندە باقىلاۋدا.
مەديسينالىق مەكەمەلەردىڭ جۇكتەمەسى وتە ۇلكەن، ال الماتىلىقتار كوروناۆيرۋس پەن ونىڭ شتاممدارىن تاراتاتىن بەلگىلەنگەن شەكتەۋلەردى ەلەمەي وتىر. ايتپاقشى، كارانتيندى بۇزۋشىلاردىڭ اراسىندا جاستار مەن ورتا جاستاعى ادامدار بار. «دەلتا» شتامىنىڭ ەرەكشەلىگى - ول جاستارعا تەز جۇعادى. ءقازىر قالانىڭ اۋرۋحانالارىندا 40 جاسقا دەيىنگى جاستار - 23%. ولاردىڭ دەنى ۆاكسينالانباعاندار.
ەسكە سالساق، ۆاكسينا كوروناۆيرۋسپەن كۇرەسۋدىڭ ەڭ ءتيىمدى جولى بولىپ قالا بەرەدى.