الماتىدا جىلىنا 200-گە جۋىق جەر سىلكىنىسى تىركەلەدى

2-دەن 4 باللعا دەيىنگى جەر سىلكىنىستەرى الماتى ءۇشىن فوندىق رەجيم

جىل سايىن قالادان 80 كم راديۋستا 200-گە دەيىن ءالسىز جەر سىلكىنىسى تىركەلەدى. 2- 4 بالل الماتى ءۇشىن فوندىق رەجيم. بۇل تۋرالى «قالانى دامىتۋدىڭ 2025 جىلعا دەيىنگى باعدارلاماسىن جانە 2030 جىلعا دەيىنگى ورتا مەرزىمدى پەرسپەكتيۆالارىن» بەكىتۋ بويىنشا ءماسليحاتتىڭ كەزەكتەن تىس سەسسياسىندا اكىم ورىنباسارى اسقار امرين ءمالىم ەتتى، دەپ حابارلايدى Almaty-akshamy.kz قازاقپارتقا سىلتەمە جاساپ.

«توتەنشە جاعدايلار تاۋەكەلدەرىن ىسكە اسىرۋدان بولاتىن سالدارلاردى بارىنشا ازايتۋ جانە اپات اۋداندارىنان جاسىرىنۋعا نەمەسە ەۆاكۋاسيالاۋعا ۋاقتىلى مۇمكىندىك بەرۋ ءۇشىن «دارمەن» ءموبيلدى قوسىمشاسىمەن ۇشتاسقان 9 سەيسموستانسيا ورناتۋ ارقىلى كۇشتى جەر سىلكىنىستەرى تۋرالى ەرتە حابارلاۋ جۇيەسىنىڭ پيلوتتىق جوباسى ەنگىزىلدى. 4 جانە ودان دا كوپ باللدىق جەر سىلكىنىسى بولعان كەزدە قوسىمشانى پايدالانۋشىلارعا اۆتوماتتى تۇردە الداعى جەر سىلكىنىسى تۋرالى Push-حابارلامالار كەلەدى»،- دەيدى ول.

ايتۋىنشا، سەيسموستانسيالاردىڭ سانى از بولعاندىقتان، «ەرتە حابارلاۋ جۇيەسى» الماتى ءوڭىرىن تولىق قامتي المايدى. بۇدان باسقا، قۇرىلىس سالۋشىلاردى مىندەتتى سەيسميكاعا ءتوزىمدى قۇرىلىستى جۇزەگە اسىرۋعا مىندەتتەيتىن ستاندارتتار مەن قالا قۇرىلىسى نورمالارى جوق.

«جىل سايىن قالادان 80 كم راديۋستا 200-گە دەيىن ءالسىز جەر سىلكىنىسى بولادى. بۇل رەتتە كۇشى 2-دەن 4 باللعا دەيىنگى جەر سىلكىنىستەرى الماتى ءۇشىن فوندىق رەجيم. الماتى گەوگرافيالىق ورنالاسۋىنا بايلانىستى جەر سىلكىنىسى الاڭى بولىپ تابىلاتىن ورتالىق ازيانىڭ سەيسميكالىعى جوعارى ايماقتارىنىڭ بىرىندە ورنالاسقان. ءبىر عاسىردان استام ۋاقىت ىشىندە مۇندا 8-11 باللدىق ءتورت جەر سىلكىنىسى بولدى جانە 6، ودان از باللدىق كۇشى بار 100 دەن اسا جەر سىلكىنىسى بولدى. قالا شەگىندە بارلىعى 30 تەكتونيكالىق جارىلىمدار قيىلىسادى، ولار قالانىڭ بۇكىل اۋماعىن قامتيدى»،- دەيدى سپيكەر.