بوستاندىق اۋدانىندا جىلۋ جەلىلەرىنە جاڭعىرتۋ جۇمىستارىن جۇرگىزۋ كەزىندە ءۇش كوشەدە اۆتوكولىك قوزعالىسى شەكتەلەدى.
30 مامىردان باستاپ 15 تامىزعا دەيىن بۇقار جىراۋ جەلەكجولىندا بايتۇرسىنوۆ كوشەسىنەن باستاپ س. ماركوۆ كوشەسىنە دەيىن سولتۇستىك جاعىنان اۆتوكولىك قوزعالىسى شەكتەلەدى. 29 مامىردان باستاپ بۇقار جىراۋ جەلەكجولىنىڭ وڭتۇستىك جاعىمەن قوزعالىس قايتا ىسكە قوسىلادى.
1 ماۋسىمنان باستاپ 20 تامىزعا دەيىن ساتپايەۆ كوشەسىمەن ماسانچي كوشەسىنەن باستاپ بايتۇرسىنوۆ كوشەسىنە دەيىن ەكى باعىتتا قوزعالىس شەكتەلەدى.
2 ماۋسىمنان باستاپ 20 تامىزعا دەيىن گابدۋللين كوشەسىندە ريمسكيي-كورساكوۆ كوشەسىنەن باستاپ ناحيموۆ كوشەسىنە دەيىن ەكى باعىتتا قوزعالىس شەكتەلەدى.
ۋاقىتشا شەكتەۋلەر كورسەتىلگەن كوشە سەگمەنتىنىڭ جۇرگىن بولىگىنىڭ استىمەن جۇرگىزىلگەن ماگيسترالدىق قۇبىرجول ۋچاسكەسىن جاڭعىرتۋ بويىنشا جوسپارلى جۇمىستاردىڭ قاۋىپسىزدىگىن قامتاماسىز ەتۋ ءۇشىن ەنگىزىلەدى.
ەسكە سالساق، بوستاندىق اۋدانىندا گابدۋللين – حاميت ەرعالييەۆ، جاعالاۋ ماڭى – بۇقار جىراۋ – بايتۇرسىنوۆ كوشەلەرىنىڭ كونتۋرىندا ورنالاسقان، جالپى ۇزاقتىعى 2،7 كيلومەتردى قۇرايتىن، 1983 جىلى پايدالانۋعا بەرىلگەن قۇبىرجولدى جاڭعىرتۋ جوسپارلانىپ وتىر. جاڭعىرتۋ جۇمىستارىن جۇرگىزۋ مەرزىمىنىڭ ىشىندە تۇتىنۋشىلارعا ىستىق سۋ بەرۋ ۇزىلمەيدى.
اتالعان جىلۋ تراسساسى 128 كوپپاتەرلى تۇرعى ءۇيدىڭ، 25 جەكە ءۇيدىڭ تۇرعىندارى، 2 بالاباقشا، 1 مەكتەپ، 1 مەديسينا مەكەمەسى جانە 65 باسقا دا وبەكتىلەر ءۇشىن جىلۋ ەنەرگياسىن بەرۋدى جانە ىستىق سۋمەن جابدىقتاۋدى قامتاماسىز ەتەدى.
جالپى العاندا، اعىمداعى جىلى قالا بويىنشا 39 كم جىلۋ تراسساسىن جاڭعىرتۋ جوسپارلانعان. بۇل توزۋ دەڭگەيىن 54% دەيىن ازايتۋعا مۇمكىندىك بەرەدى.
ەسكەرتەمىز، قوزعالىستاردى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالار» سەرۆيستەرىندە ورنالاستىرىلعان.
ۋاقىتشا قولايسىزدىقتارعا تۇسىنىستىكپەن قاراۋلارىڭىزدى سۇرايمىز.
«الماتى جىلۋ جۇيەسى» ج ش س