الماتىدا جىلۋ باعاسى كوتەرىلۋى مۇمكىن

2022 جىلدان باستاپ قالادا جىلۋ باعاسى قىمباتتاۋى مۇمكىن

بۇل تۋرالى قوعامدىق تىڭداۋ بارىسىندا بەلگىلى بولدى، دەپ حابارلايدى Almaty-akshamy.kz

قوعامدىق تىڭداۋ بارىسىندا «الماتى جىلۋ جەلىلەرى» ج ش س كوممەرسيالىق ديرەكتورى ەلميرا بايچيگاسوۆا تابيعي مونوپوليالاردى رەتتەۋ كوميتەتىنىڭ دەپارتامەنتىنە جىلۋ ەنەرگياسىن ءوندىرۋشى كاسىپورىنداردان تۇتىنۋشىلارعا بەرۋ ءتاريفىن وزگەرتۋ ماسەلەسىن قاراۋ تۋرالى ءوتىنىش بەرگەندەرىن ايتتى.

ءوتىنىش بەرۋگە 2017 جىلدان باستاپ ەنگىزىلگەن تاريفتىك ليميتتەر مەرزىمىنىڭ ءبىتۋى سەبەپ بولىپ وتىر. سونىمەن قاتار، وندىرۋشىلەردەن ساتىپ الىناتىن جىلۋ ءتاريفىنىڭ كوتەرىلۋىنە سايكەس، «نورماتيۆتىك تەحنيكالىق جوعالتۋلار» بابى بويىنشا شىعىنداردىڭ ءوسۋى سەبەپ بولدى.

«ءوتىنىم ناقتى شىعىندار: سالىقتار، كولىك شىعىندارى، جالاقى، ساقتاندىرۋ، مەملەكەتتىك قىزمەتتەر، ەڭبەكتى قورعاۋ، ءىسساپار شىعىندارى، بايلانىس قىزمەتتەرى، كەڭەس بەرۋ جانە اۋديت قىزمەتتەرى بويىنشا بەرىلدى»، - دەدى كومپانيا وكىلى.

سونىمەن قاتار، ول ق ر ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتى شەشىم قابىلداعانعا دەيىن جىلۋ تاريفى كوتەرىلمەيتىنىن اتاپ ءوتتى. شەشىم شىعارۋشى كوميتەتتىڭ قورىتىندىسى 30 كۇنتىزبەلىك كۇننەن كەيىن بەلگىلى بولادى.