الماتى قالالىق پروكۋراتۋراسى مەن قالالىق پوليسيا دەپارتامەنتى بىرلەسە وتكىزگەن رەيدتىڭ بارىسىندا جۇرگىزۋشى كۋالىگىنسىز اۆتوكولىك جۇرگىزگەن ازامات انىقتالدى، دەپ حابارلايدى Almaty-akshamy.kz.
قالالىق پروكۋراتۋرانىڭ باسپا ءسوز قىزمەتىنەن حابارلاعانداي، 3 جەلتوقسان كۇنى پوليسيا ەكيپاجى ب. ەسىمدى ازامات جۇرگىزگەن «مەرسەدەس» ماركالى اۆتوكولىكتى توقتاتادى. تەكسەرىس بارىسىندا ونىڭ بيىل 10 قاراشادا جۇرگىزۋشى كۋالىگىنەن 6 ايعا ايىرىلعانى انىقتالدى.
«سول كۇنى ول الماتى قالاسىنىڭ اكىمشىلىك قۇقىقبۇزۋشىلىقتار جونىندەگى مامانداندىرىلعان اۋدانارالىق سوتىنىڭ ق ر اقبتك-نىڭ 612-بابىنىڭ 3-بولىگى بويىنشا شىعارعان شەشىمىمەن 10 تاۋلىككە اكىمشىلىك قاماۋعا الىندى»، - دەپ حابارلادى پروكۋراتۋرادان.
وسىعان وراي الماتى قالالىق پروكۋراتۋراسى اۆتوكولىك جۇرگىزۋشىلەردى جول قوزعالىسى ەرەجەلەرىن ساقتاپ، باسقا كولىك جۇرگىزۋشىلەرگە ءقاۋىپ توندىرمەۋگە شاقىردى.