الماتى تۇرعىندارى جۇرگىزۋشى كۋالىگىن الۋ ءۇشىن اۆتوحقو-عا (حالىققا قىزمەت كورسەتۋ ورتالىعى) تىم ەرتە بارۋدا، دەپ حابارلايدى almaty-akshamy.kz
الماتى حالىققا قىزمەت كورسەتۋ ورتالىعىنىڭ مالىمەتىنشە، قازىرگى تاڭدا الماتىدا جۇرگىزۋشى كۋالىگىن الۋعا ارنالعان ەمتيحان جالعىز اۆتو حقو-دا تاپسىرىلادى.
«الماتىدا بارلىق حقو-لار مەن اۆتوحقو-لار ساعات 9.00-18.00 ارالىعىندا جۇمىس ىستەيدى. سەنبى، جەكسەنبى - دەمالىس كۇندەرى. دەگەنمەن، تاڭنان كەلىپ، دالادا كەزەك الىپ تۇراتىن ادامداردىڭ جۇكتەمەسىن ازايتۋ ءۇشىن اۆتوحقو جۇمىسىن ساعات 8.00-دەن باستايدى»، - دەدى الماتى حقو باسپا ءسوز قىزمەتىندە.
ايتۋ كەرەك، بۇگىندە الماتىدا كولىك يەلەرى جۇرگىزۋشى كۋالىگىن اۋىستىرىپ، كولىكتەرىن قايتا تىركەي الاتىن بەس مامانداندىرىلعان حالىققا قىزمەت كورسەتۋ ورتالىعى جۇمىس ىستەپ تۇر.
«بۇل رەتتە ولاردىڭ ەكەۋىندە عانا پراكتيكالىق ەمتيحان تاپسىرۋعا ارنالعان اۆتودروم بار. ولار «سايالى» جانە «كەمەل» ىقشاماۋداندارىندا»، - دەدى الماتى حقو-نىڭ وكىلدەرى.
ءبىراق، «سايالى» ىقشاماۋدانىنداعى اۆتوحقو-نىڭ اۆتودرومى بۇگىندە جاڭارتىلۋدا، سوندىقتان جۇرگىزۋشىلەر تەك «كەمەل» ىقشاماۋدانىندا ورنالاسقان №6 بولىمدە ەمتيحان تاپسىرا الادى.
«ەمتيحان تاپسىرۋشىلاردى مۇمكىندىگىنشە كوپ قابىلداۋعا ۇلگەرۋ ءۇشىن ءبولىمنىڭ جۇمىس كەستەسى قايتا قارالدى. ءقازىر ول تاڭعى 9:00-دەن ەمەس، 8:00-دەن باستاپ، 18:00-گە دەيىن جۇمىس ىستەيدى. ءبىر كۇندە ارنايى حقو شامامەن ەمتيحان تاپسىراتىن 200-گە جۋىق كليەنتتى قابىلداپ ۇلگەرەدى»،- دەپ مالىمدەدى حقو-دا.
«سايالى» ىقشاماۋدانىنداعى ۋاقىتشا جۇمىس ىستەمەيتىن اۆتودرومعا كەلسەك، ول شامامەن اعىمداعى جىلدىڭ ناۋرىز ايىندا ىسكە قوسىلۋى ءتيىس.