قۇرىلىسقا شامامەن 130 ميلليارد تەڭگە بولىنگەن
قۇرىلىس جۇمىستارى بيىل جەلتوقسانعا دەيىن اياقتالادى دەپ جوسپارلانعان. قۇرىلىس بىتكەننەن كەيىن ورتالىق ق ر دەنساۋلىق ساقتاۋ مينيسترلىگىنە، ياعني مەملەكەت مەنشىگىنە بەرىلەدى، دەپ حابارلايدى Almaty-akshamy.kz.
«سامۇرىق-قازىنا» قورى باسپا ءسوز قىزمەتىنىڭ حابارلاۋىنشا، بۇگىن سالىنىپ جاتقان كلينيكانىڭ قۇرىلىس الاڭىنا «سامۇرىق-قازىنا» باسشىسى نۇرلان جاقىپوۆ كەلدى. ول جاڭا ورتالىق بۇكىل تمد-داعى ەڭ ءىرى زەرتتەۋ جانە كلينيكالىق ورتالىق بولاتىنىن اتاپ ءوتتى.
«سوڭعى جىلدارداعى وقيعالار كلينيكالىق بولىمشەسى بار ءىرى عىلىمي-زەرتتەۋ جۇقپالى اۋرۋلار ورتالىعىنىڭ بولۋى جاي عانا قاجەتتىلىك ەمەس، ۇلتتىق قاۋىپسىزدىك ماسەلەسى ەكەنىن دالەلدەيدى»، - دەدى مەنەدجەر.
ول قۇرىلىس بارىسىن جەكە ءوزى تەكسەرىپ، قۇرىلىس مەردىگەرى بارلىق جۇمىستى ۋاقىتىندا ورىنداۋىن نازاردا ۇستايتىنىن ايتتى.
اۋرۋحانا 2021 جىلدىڭ قازانىندا سالىنا باستادى. ورتالىقتا 350 زاماناۋي جابدىقتالعان ورىن بولادى. نىسان قازاقستاندىق دارىگەرلەر، عالىمدار مەن الماتىنىڭ مەديسينالىق جوعارى وقۋ ورىندارىنىڭ ستۋدەنتتەرى ءۇشىن كلينيكالىق بازاعا اينالادى. جاڭا ورتالىقتا جۇقپالى اۋرۋلار، پۋلمونولوگيا جانە فتيزياتريا سالاسىندا مەديسينالىق كومەك كورسەتىلەدى، زەرتتەۋلەر مەن وقىتۋ جۇرگىزىلەدى، وزىق مەديسينالىق تەحنولوگيالاردى شوعىرلاندىرادى، دارىلىك پرەپاراتتاردى زەرتتەيدى. سونىمەن قاتار، جاڭا نىسان بازاسىندا ەلدەگى ەپيدەميولوگيالىق جاعدايدى باقىلاۋ ءۇشىن احۋالدىق ورتالىق اشۋ جوسپارلانعان.
نىسان قاۋىپسىزدىكتى قامتاماسىز ەتۋدىڭ بىرەگەي تەحنولوگيالارىمەن جابدىقتالاتىن بولادى.