4306-دان استام بوس جۇمىس ورىندارىن ورنالاستىرعان.
جۇمىس ىزدەپ جۇرگەن الماتىلىقتارعا نە ىستەۋ كەرەك، والارعا باسەكەگە قابىلەتتى تۇيىندەمە جاساۋعا جانە لايىقتى بوس جۇمىس ورنىن تابۋعا قايدا كومەك كورسەتىلەدى. بۇل ساۋالدارعا وڭىرلىك كوممۋنيكاسيالار قىزمەتىندە وتكەن بريفينگ بارىسىندا الماتى قالالىق جۇمىسپەن قامتۋ ورتالىعىنىڭ ديرەكتورى ساعىندىق كەنجەبايەۆ جاۋاپ بەردى، دەپ حابارلايدى Almaty-akshamy.kz.
سپيكەردىڭ ايتۋىنشا، بۇگىنگى كۇنى جۇمىس بەرۋشىلەر ەلەكتروندى ەڭبەك بيرجاسىنا 4306-دان استام بوس جۇمىس ورىندارىن ورنالاستىرعان.
اعىمداعى جىلدىڭ باسىنان بەرى 25 221 ادام جۇمىسقا ورنالاسسا، ونىڭ 13 343ء-ى تۇراقتى، 11 878ء-ى ۋاقىتشا جۇمىسقا ورنالاستىرىلدى.
«ازاماتتار مەن جۇمىس بەرۋشىلەرگە ىڭعايلى بولۋ ءۇشىن 2018 جىلدان باستاپ قىزمەتتەردى ەلەكتروندى فورماتقا كوشىرۋدى جۇزەگە اسىرۋ باستالدى. بۇگىنگى كۇنى بارلىق قىزمەتتەر ونلاين تۇردە كورسەتىلەدى، بۇل ءوتىنىش بەرۋشىنى جۇمىسسىز رەتىندە تىركەۋ جانە جۇمىسقا ورنالاسۋعا جاردەمدەسۋدىڭ بەلسەندى شارالارىنا جولداما الۋ، جۇمىس بەرۋشى ءۇشىن بۇل بوس جۇمىس ورىندارىن جاريالاۋ، كادرلاردى ىرىكتەۋ، بەلسەندى شارالارعا قاتىسۋعا ءوتىنىش بەرۋ، ءارتۇرلى قۇجاتتاردى ۇسىنۋ. جۇمىسپەن قامتۋ تۋرالى ەسەپ بەرۋ، - دەپ حابارلادى ساعىندىق كەنجەبايەۆ.
جۇمىسپەن قامتۋ ورتالىعىنىڭ ديرەكتورى اعىمداعى جىلدىڭ 3 قازانىنان باستاپ 2023 جىلعا ارنالعان سۋبسيديالاناتىن جۇمىس ورىندارىنا قاتىسقىسى كەلەتىن جۇمىس بەرۋشىلەردىڭ وتىنىشتەرىن قابىلداۋ باستالعانىن ايتتى. قابىلداۋ ايدىڭ سوڭىنا دەيىن جۇرگىزىلەدى.
سونداي-اق سپيكەر ازاماتتاردىڭ جەكەلەگەن ساناتتارىن كۆوتا بويىنشا جۇمىس ورىندارىنا (كۆوتا بويىنشا مۇگەدەكتەر – 2171، تۇراقتى جۇمىس ورىندارىنا – 223، پروباسيا قىزمەتى مەن باس بوستاندىعىنان ايىرۋ ورىندارىندا ەسەپتە تۇرعاندار – 23، جەتىم بالالار – 2، ايەلدەر – 12815 ، جاستار – 8768، اليمەنت بويىنشا بەرەشەگى بار ازاماتتار – 15) جۇمىسقا ورنالاستىرۋعا ەرەكشە كوڭىل بولىنەتىنىن ايتتى.
«جۇمىس ىزدەۋشىلەردى تارتۋ ماقساتىندا جۇمىسپەن قامتۋ ورتالىعىنىڭ قىزمەتكەرلەرى جاستار رەسۋرستىق ورتالىقتارىمەن بىرلەسىپ ستيحيالىق «ەڭبەك بيرجالارىندا»، بازارلاردا، حالىق كوپ جينالاتىن ورىنداردا، جۇمىسپەن قامتۋعا جاردەمدەسۋدىڭ شارالارى بويىنشا ءتۇسىندىرۋ جۇمىستارىن جۇرگىزدى. اتاپ ايتقاندا، «التىن وردا» امبەباپ بازارى اۋدانىنداعى «بارلىق»، «باراحولكا»، «سارى ارقا»، شولوحوۆ كوشەسى بويىنداعى «الماتى-1» سياقتى بازارلار قامتىلدى»، - دەدى ساعىندىق كەنجەبايەۆ.
كەزدەسۋلەر بارىسىندا جۇمىس ىزدەۋشىلەردىڭ باسىم بولىگى الماتى قالاسىنىڭ تۇرعىندارى ەمەس ەكەنى بەلگىلى بولدى. كاسىپتىك باعدار بەرۋ جۇمىستارى جۇرگىزىلدى، بوستۇرعان جۇمىس ورىندار ۇسىنىلدى، كاسىپكەرلىكتى دامىتۋدىڭ ۇلتتىق جوباسىنا قاتىسۋ مۇمكىندىكتەرى بويىنشا تۇسىندىرمەلەر بەرىلدى، جۇمىسقا ورنالاسۋعا جانە مەملەكەتتىك قىزمەتتەردى الۋعا كومەك كورسەتۋ ماسەلەلەرى بويىنشا كونسۋلتاسيالىق قىزمەتتەر كورسەتىلدى.
سونىمەن قاتار، جۇمىسپەن قامتۋ ورتالىعى تۇراقتى تۇردە بوس جۇمىس ورىندارى جارمەڭكەسىن وتكىزىپ تۇرادى. جىل باسىنان بەرى 28 بوس جۇمىس ورىندارى جارمەڭكەسى وتكىزىلىپ، وعان 8 مىڭنان استام ادام قاتىستى (1000-عا جۋىق ادام جۇمىسقا ورنالاستىرىلدى).
الماتى اگلومەراسياسى اياسىندا بيىلعى جىلى الماتى وبلىسىنىڭ جۇمىسپەن قامتۋ ورتالىقتارىمەن بىرلەسە وتىرىپ، ەسىك قالاسىندا ەكى بوس جۇمىس ورىندارى جارمەڭكەسى ءوتتى. جىل سوڭىنا دەيىن قاسكەلەڭ قالاسىندا بوس جۇمىس ورىندارى جارمەڭكەسىن وتكىزۋ جوسپارلانۋدا.
19 قازان كۇنى ساعات 11:00-دە ارباتتا جالپىقالالىق بوس جۇمىس ورىندارى جارمەڭكەسى وتەدى دەپ جوسپارلانۋدا. شاراعا قالانىڭ 150-دەن استام كاسىپورنى قاتىسادى دەپ كۇتىلۋدە. وسى مۇمكىندىكتى پايدالانا وتىرىپ، جۇمىس ىزدەپ نەمەسە قىزمەتكەر تاپقىسى كەلەتىندەردىڭ بارلىعىن جالپىقالالىق بوس ورىندار جارمەڭكەسىنە قاتىسۋعا شاقىرعىم كەلەدى.
بارلىق قىزىقتىراتىن سۇراقتار بويىنشا ازاماتتاردى قابىلداۋعا بارلىق جاعداي جاسالعان جۇمىسپەن قامتۋ ورتالىعىنا حابارلاسۋعا بولادى. ازاماتتارعا ىڭعايلى بولۋ ءۇشىن قابىلداۋ «ءبىر تەرەزە» جۇيەسى بويىنشا جۇزەگە اسىرىلادى. سونداي-اق وزىنە-وزى قىزمەت كورسەتۋ ايماعى بار، وندا بارلىعىنا ينتەرنەتكە كىرۋ مۇمكىندىگى بار كومپيۋتەر بەرىلەدى. مەكەنجايىمىز: دوستىق داڭعىلى، 85، «الەۋمەتتىك قىزمەت كورسەتۋ ءۇيى».
سونىمەن قاتار، جۇمىسپەن قامتۋ ورتالىعىندا 310-21-31 ءبىرىڭعاي ءنومىرى ارقىلى Call-ورتالىعى جۇمىس ىستەيدى.
سونداي-اق، ونىڭ جەكە سايتى (cz-almaty.kz) الەۋمەتتىك جەلىلەردەگى پاراقشالارى بار، وندا قالا تۇرعىندارى ءوز سۇراقتارىمەن حابارلاسا الادى.
الماتى قالاسىنىڭ وڭىرلىك كوممۋنيكاسيالار قىزمەتىنىڭ حابارلامالارى مەن ماتەريالدارىن تاراتۋ كەزىندە وكق-گە سىلتەمە جاساۋ مىندەتتى.