قالادا ۆ جانە ا ءتيپتى تۇماۋ ۆيرۋستارى (H3N2) اينالىمدا
الماتىدا ءجىتى رەسپيراتورلىق ۆيرۋستىق ينفەكسيانى (جرۆي) بالالار كوپ جۇقتىرعان، دەپ حابارلايدى Almaty-akshamy.kz الماتى قالالىق سانيتارلىق-ەپيدەميولوگيالىق باقىلاۋ دەپارتامەنتىنە سىلتەمە جاساپ.
وتكەن اپتادا قالادا ءجرۆي-دىڭ 21 972 جاعدايى تىركەلگەن. بۇل وتكەن اپتاداعى كورسەتكىشتەن 13،8% - عا جوعارى. دەگەنمەن، قالادا جرۆي-مەن اۋىرۋ بالالار اراسىندا كوپ تىركەلدى. ولاردىڭ ۇلەس سالماعى 66،9%- دى قۇرادى.
سونداي-اق، اعىمداعى ەپيدەميولوگيالىق ماۋسىم باستالعالى بەرى قالادا ۆ جانە ا ءتيپتى تۇماۋ ۆيرۋستارى (H3N2) اينالىمدا. جالپى تۇماۋمەن سىرقاتتانۋدىڭ 115 جاعدايى تىركەلدى. ونىڭ ىشىندە ۆ ءتيپتى 114 جاعداي جانە ا ءتيپتى (H3N2)-1 جاعداي، بارلىق ناۋقاستار ەم الدى.
وسىعان بايلانىستى، قالالىق سانيتارلىق-ەپيدەميولوگيالىق باقىلاۋ دەپارتامەنتى قالا تۇرعىندارىن جرۆي، تۇماۋعا قارسى الدىن الۋدىڭ جالپى شارالارىن ساقتاۋعا شاقىردى.
- جرۆي-مەن اۋىراتىن ناۋقاستارمەن جاناسۋدان اۋلاق بولىڭىز، ال ەگەر بايلانىس ءسوزسىز بولسا، وندا ماسكا كيىپ، وكسولين مايىن قولدانىڭىز؛
- اۋرۋعا شالدىققان جاعدايدا ۇيدە بولۋ، ءوزىن-وزى ەمدەۋمەن اينالىسپاۋ، مەديسينا قىزمەتكەرىن شاقىرىپ، وتباسى ورتاسىندا نەمەسە ۇجىمدا بولعان كەزدە ماسكا كيۋ، دارىگەردىڭ تاعايىنداۋى بويىنشا ەم الۋ قاجەت؛
- تۇشكىرۋ جانە جوتەل كەزىندە اۋزىڭىزدى قولىڭىزبەن، مايلىقپەن، ورامالمەن جاۋىپ، قولىڭىزدى مۇمكىندىگىنشە ءجيى جۋىڭىز؛
- يممۋندىق جۇيەنى ارتتىرۋ: س ءۆيتامينىن جانە دارىگەردىڭ ۇسىنىسى بويىنشا باسقا دارى-دارىمەكتەردى قولدانۋ؛
- جرۆي جانە تۇماۋ اۋرۋلارىنىڭ ءورشۋى كەزەڭىندە قاشىقتىقتى ساقتاۋ، بۇقارالىق ءىس - شارالارعا (سونىڭ ىشىندە الداعى جاڭا جىلدىق كورپوراتيۆتەر مەن مەرەكەلەرگە) بارۋدى قىسقارتۋ، ال اۋرۋ بەلگىلەرى بار ادامدارعا - ۇيدە بولۋ جانە دارىگەردىڭ نۇسقاۋى بويىنشا ەم الۋ ۇسىنىلادى؛
- ىلعالدى تازالاۋمەن ءۇي-جايلاردى ءجيى جەلدەتۋ كەرەك؛
- سىرقاتتانعان بالالاردى ۇيىمداستىرىلعان ۇجىمدارعا، مەكتەپكە دەيىنگى بالالار مەكەمەلەرىنە، اسىرەسە، جاڭاجىلدىق ەرتەڭگىلىكتەر مەن شىرشالارعا جىبەرمەۋ.