وقىتۋدىڭ ماقساتى - ادامدار كوپ شوعىرلانعان جەرلەردە تەرروريستىك قاۋىپ-قاتەر تۋىنداعان كەزدە ءوزارا ارەكەتتەسۋ داعدىلارىن ماشىقتاندىرۋ.
16 شىلدە كۇنى الماتىنىڭ بوستاندىق اۋدانىندا، وربيتا-3 شاعىناۋدانىنىڭ 5 عيماراتى، N145 جالپى ءبىلىم بەرەتىن مەكتەپتە ساعات 06:00-دەن 13:00-گە دەيىن سانيتارلىق-ەپيدەميولوگيالىق ستاندارتتارعا سايكەس جوسپارلانعان انتيتەررورلىق وقىتۋلار وتكىزىلەدى، دەپ حابارلايدى Almaty-akshamy.kz.
ماماندار وسىعان بايلانىستى ازاماتتاردى جۇرگىزىلىپ جاتقان ءىس-شارالارعا تۇسىنىستىكپەن قاراۋعا، قاۋىپسىزدىك شارالارىن ساقتاۋعا جانە وقىتۋعا قاتىسقان مەملەكەتتىك قىزمەتكەرلەردىڭ زاڭدى تالاپتارىن ورىنداۋعا شاقىردى.
«ءبىلىم بەرۋ مىندەتتەرى تەرروريزمگە وسال نىساندارداعى تەرروريزم اكتىسىنىڭ جولىن كەسۋ مەحانيزمىن جەتىلدىرۋگە باعىتتالعان. سونىمەن قاتار، وقىتۋ كەزىندە شەكتەۋ شارالارى قاراستىرىلاتىنىن حابارلايمىز. راستالماعان اقپاراتتى نەمەسە فوتو جانە ۆيدەو كەسكىندەردى جاريالاۋدان اۋلاق بولۋلارىڭىزدى سۇرايمىز. بۇقارالىق اقپارات قۇرالدارىن نەمەسە تەلەكوممۋنيكاسيا جەلىلەرىن پايدالانا وتىرىپ، ادەيى جالعان اقپارات تاراتۋ ق ر قك-نىڭ 274 بابىنا سايكەس زاڭمەن قۋدالاناتىنىن ەسكە سالامىز»، – دەلىنگەن الماتى قالاسىنىڭ تەرروريزمگە قارسى جەدەل شتابىنىڭ حابارلاماسىندا.
سونىمەن قاتار، مامانداردىڭ ايتۋىنشا، ق ر «اكىمشىلىك قۇقىق بۇزۋشىلىق تۋرالى» كودەكسىنىڭ 443-بابىنا سايكەس، قوعامدىق ءتارتىپتى قامتاماسىز ەتۋگە قاتىساتىن ادامنىڭ زاڭدى تالابىنا باعىنباۋ اكىمشىلىك جاۋاپكەرشىلىككە اكەلىپ سوقتىراتىنىن ەسكەرۋ قاجەت.