كەشە الماتىدا "River Park" تۇرعىن ءۇي كەشەنىنىڭ تۇرعىندارى جىلۋدى قوسۋ تالاپتارىمەن ماقاتايەۆ كوشەسىن جاۋىپ تاستاعان ەدى.
الماتىدا پوليسەيلەر جولدى جاپقان River Park تۇرعىن ءۇي كەشەنىنىڭ تۇرعىندارىن جازاعا تارتتى، دەپ حابارلايدى Almaty-akshamy.kz
ءتورت ازاماتقا قاتىستى پوليسيا قىزمەتكەرىنىڭ زاڭدى تالابىنا باعىنباعانى ءۇشىن اكىمشىلىك قۇقىق بۇزۋشىلىق تۋرالى كودەكستىڭ 667-بابى بويىنشا اكىمشىلىك حاتتامالار تولتىرىلدى.
"اكسيانىڭ باسقا توعىز قاتىسۋشىسى كولىك قۇرالدارىنىڭ جۇرىسىنە كەدەرگى جاساعانى ءۇشىن كودەكستىڭ 614-بابى بويىنشا اكىمشىلىك جاۋاپكەرشىلىككە تارتىلدى، – دەدى ق ر ءىىم اكىمشىلىك پوليسيا كوميتەتىنىڭ (اپك) ءتوراعاسى قايسار سۇلتانبايەۆ.
"بۇل ارەكەتتەر قوعامدىق ءتارتىپتى ورەسكەل بۇزۋ، جول جۇرىسىنە كەدەرگى كەلتىرۋ، سونداي-اق پوليسيا قىزمەتكەرلەرىنىڭ زاڭدى تالاپتارىن ورىنداماۋ بولىپ سانالادى. بۇل جاعدايدى تۇرعىندار ءتيىستى ورگاندارمەن جانە قىزمەت كورسەتەتىن ۇيىمدارمەن زاڭ شەڭبەرىندە، سونداي-اق ميتينگ ۇيىمداستىرۋ تۋرالى زاڭنىڭ تالاپتارىن ساقتاي وتىرىپ، ونى الدىن الا جەرگىلىكتى اتقارۋشى ورگانعا حابارلاۋ ارقىلى شەشۋى قاجەت بولاتىن. وسىلايشا بۇل ازاماتتار قوعامدىق ءتارتىپتى بۇزىپ، باسقا ازاماتتارعا قولايسىزدىق تۋعىزدى"، - دەيدى سۇلتانبايەۆ.