الماتىدا “جولداعى قابىلداۋ” ناۋقانى باستالدى، دەپ حابارلايدى almaty-akshamy.kz Polisia.kz سىلتەمە جاساپ.
2021 جىلدىڭ 17 جانە 18 قىركۇيەگىندە الماتى قالاسىنىڭ اۋماعىندا پوليسەيلەر “جولداعى قابىلداۋ” رەسپۋبليكالىق ناۋقانىنىڭ كەلەسى كەزەڭىن وتكىزەدى. بۇل جولى ول ونلاين تۇردە وتەدى.
– “جولداعى قابىلداۋ” الدىن الۋ ءىس-شاراسى قازىرگى ۋاقىتتا ازاماتتاردىڭ كوپشىلىگىنە تانىس. بۇل وتە وزەكتى، سەبەبى حالىققا ىڭعايلى جەردە جانە ۋاقىتتا جول قاۋىپسىزدىگى سالاسىنداعى كەڭەستەر مەن قۇقىقتىق كومەك الۋعا مۇمكىندىك بەرەدى. ادەتتە، تۇرعىندارمەن ديالوگ ازاماتتاردى تولعاندىراتىن سۇراقتاردى، ونىڭ ىشىندە جول قاۋىپسىزدىگىنىڭ وزەكتى ماسەلەلەرىن تالقىلاۋ تۇرىندە جۇرگىزىلەدى. بۇل رەتتە سەنىم تەلەفونى جۇمىس ىستەيتىنىن اتاپ وتكىم كەلەدى. ول ارقىلى ازاماتتار بۇكىل ناۋقان بارىسىندا قوڭىراۋ شالىپ، وزدەرىن قىزىقتىراتىن سۇراقتاردى قويا الادى نەمەسە WhatsApp-حابارلاماسىن جىبەرە الادى: 8-747-733-10-20، – دەدى الماتى قالاسى پد اكىمشىلىك پوليسيا باسقارماسىنىڭ باستىعى امانبەك نۇرلان.
سونداي-اق، بۇل كۇندەرى اكىمشىلىك پوليسيا، كوشى-قون جانە جەرگىلىكتى پوليسيا قىزمەتى باسشىلىعىنىڭ قاتىسۋىمەن تىكەلەي ەفيرلەر وتكىزۋ جوسپارلانۋدا. قوسۋ تۋرالى حابارلاندىرۋ الدىن الا جاريالاناتىن بولادى.