ءىس-شارا قالاداعى قوعامدىق كولىك جولاۋشىلارىنا ءقاۋىپسىز ءارى جايلى جاعداي جاساۋ ماقساتىندا وتكىزىلىپ جاتىر.
الماتىدا 11-15 قاڭتار ارالىعىندا جەرگىلىكتى اتقارۋشى ورگاندارمەن، كولىك مينيسترلىگى كولىك كوميتەتىنىڭ اۋماقتىق بولىمشەلەرىمەن جانە جۇرتشىلىق وكىلدەرىمەن بىرلەسىپ “تاسىمالداۋشى” جالپى رەسپۋبليكالىق جەدەل-پروفيلاكتيكالىق ءىس-شاراسى وتۋدە، دەپ حابارلايدى Almaty-akshamy.kz Polisia.kz-كە سىلتەمە جاساپ.
ماقسات – قوعامدىق كولىكتەگى كەز كەلگەن قۇقىق بۇزۋشىلىققا مۇلدەم توزبەۋشىلىك جانە جۇرگىزۋشىلەر مەن جولاۋشىلاردىڭ قاۋىپسىزدىگىن قامتاماسىز ەتۋ.
«بارلىق جەر ءقاۋىپسىز بولۋى كەرەك، سونىڭ ىشىندە قوعامدىق ورىنداردا جانە جولاۋشىلار كولىگىندە دە. تاجىريبە كورسەتكەندەي، زاڭدىلىق پەن ءتارتىپتى بۇزۋدىڭ ادەتتەن تىس دەرەكتەرى قايتىمسىز سالدارى بار وقيعالارعا اكەلۋى مۇمكىن»، – دەدى، پد-دە. ءىس-شارانىڭ ەكى كۇنىنىڭ ىشىندە الماتى جولاۋشىلار كولىگىندە 134 قۇقىق بۇزۋشىلىق انىقتالدى. سونىڭ ىشىندە ءجيى كەزدەسەتىنى – ازاماتتارعا ءتيىسۋ جانە قوعامدىق ورىنداردى لاستاۋ.
سونىمەن قاتار جەرگىلىكتى پوليسيا قىزمەتىنىڭ حابارلاۋىنشا، قوعامدىق كولىكتەردە الكوگولدىك ىشىمدىكتەردى ءىشۋ، تەمەكى بۇيىمدارىن پايدالانۋ جانە ۇساق بۇزاقىلىق دەرەكتەرى كەزدەسەدى.