الماتىدا جولاقتىڭ جاڭا ءتۇرى پايدا بولدى

الماتى كوشەلەرىنىڭ بىرىندە جولاقتىڭ جاڭا ءتۇرى تەست رەجيمىندە جۇمىس ىستەيدى

بۇگىندە الماتىدا تىلەندييەۆ كوشەسى بويىمەن اباي داڭعىلىنان تولە بي كوشەسىنە دەيىن جولاقتاردى سىزۋ جۇمىستارى جۇرگىزىلۋدە. ەكسپەريمەنتتىك تارتىپتە بۇل ۋچاسكەدە جەردەگى رەتتەلمەيتىن جاياۋ جۇرگىنشىلەر وتكەلدەرىنىڭ الدىنداعى اپاتتى جاعدايلاردى بولدىرماۋ ءۇشىن زيگزاگ تاڭباسى قولدانىلدى، دەپ حابارلايدى almaty-akshamy.kz

بۇل جولاق ق ر جول قوزعالىسى ەرەجەلەرىندە كورسەتىلمەگەن. بۇل جولاق كولىك جۇرگىزۋشىلەردىڭ جاياۋ جۇرگىنشىلەر وتكەلىنە جاقىنداپ كەلە جاتقانىن ءبىلدىرۋ ءۇشىن قولدانىلادى.

سونىمەن قاتار، مۇنداي سارى جولاق بۇل ۋچاسكەدە باسىپ وزۋعا، كەرى جۇرۋگە، وسى ايماقتا قايتا  بۇرىلۋعا بولمايتىنى تۋرالى قوسىمشا دابىل رەتىندە قىزمەت ەتەدى، ويتكەنى ول ءقاۋىپسىز بولۋى جانە جول قوزعالىسىنىڭ بارلىق قاتىسۋشىلاردىڭ  جاقسى كورۋلەرىنە مۇمكىندىك بار.

كورسەتىلگەن ەكسپەريمەنت وڭ ناتيجە بەرگەن جاعدايدا رەتتەلمەيتىن جاياۋ جۇرگىنشىلەر وتكەلدەرى اۋدانىندا زيگزاگ تاڭباسىن قولدانۋ بويىنشا جۇمىستار جالعاستىرىلاتىن بولادى.

وكىنىشكە وراي، بارلىق جۇرگىزۋشىلەر جولاقتارعا نازار اۋدارمايدى، سونىڭ سالدارىنان  اپاتتار بولۋى مۇمكىن. الايدا، اۆتوموبيل يەلەرى جولاقتاردى ءجيى بايقايدى.

ەڭ تانىمال زيگزاگ تاڭباسى 1970ء-شى جىلداردان باستاپ، الدىمەن ۇلىبريتانيادا، سودان كەيىن باسقا ەلدەردە قولدانىلا باستادى. جولدارداعى ەرەكشە جولاقتار باسقا جول بەلگىلەرىنە قاراعاندا ءتيىمدى بولىپ شىقتى جانە جاياۋ جۇرگىنشىلەر مەن كولىك يەلەرىنىڭ قاۋىپسىزدىگىن ارتتىرۋعا كومەكتەستى.