الماتىدا ءبىرقاتار جولايرىقتارىندا ەسكىرگەن قورشاۋدى توزۋعا ءتوزىمدى جانە ءقاۋىپسىز قورشاۋعا اۋىستىرۋ جۇمىستارى جۇرگىزىلۋدە.
مىسالى، بايزاقوۆ پەن ماناس كوشەلەرىنىڭ اراسىنداعى ساتبايەۆ كوشەسىندەگى جولايرىعىنداعى قۇبىرلى مەتالل قورشاۋ 15 جىلدان استام ۋاقىت بۇرىن ورناتىلعان. پايدالانۋ جىلدارىندا قورشاۋعا بىرنەشە رەت اعىمداعى جوندەۋ جۇرگىزىلدى، ءبىراق زەرتتەۋ كورسەتكەندەي، بۇگىندە ول ابدەن ەسكىرگەن.
سونىمەن قاتار، قۇبىرلى قورشاۋ قاجەتتى قاۋىپسىزدىك دەڭگەيىن قامتاماسىز ەتپەيدى، ال ورناتىلعان تولقىندىق قورشاۋ ءتوزىمدى ءارى تراەكتوريانى ءسال بۇرىشپەن تۇزەتەدى. ول سونداي-اق مىرىشتالعان مەتالدان جاسالعان، ياعني كورروزياعا ءتوزىمدى.
جوعارىدا كورسەتىلگەن جولايرىعىندا بارلىعى 3 مىڭ مەترگە جۋىق قورشاۋ اۋىستىرىلادى. جۇمىستاردى اعىمداعى جىلدىڭ 10 قاراشاسىنا دەيىن اياقتاۋ جوسپارلانۋدا.
وسىعان ۇقساس جۇمىستار رايىمبەك پەن ءسۇيىنباي داڭعىلدارىنىڭ قيىلىسىندا جۇرگىزىلۋدە. بارلىعى 2،5 مىڭ مەتر قورشاۋ اۋىستىرىلادى. جۇمىستاردى اياقتاۋدىڭ جوسپارلانعان مەرزىمى – قاراشا ايىنىڭ سوڭى.
بۇعان دەيىن مۇنداي قورشاۋ رايىمبەك داڭعىلىنىڭ سولتۇستىگىندەگى نازاربايەۆ داڭعىلىنىڭ بويىنداعى ەستاكاداعا ورناتىلعان بولاتىن.