رىسقۇلوۆ داڭعىلىنداعى كولىك قوزعالىسىنىڭ كەستەسىنە وزگەرىستەر ەنگىزىلەدى.
الماتىدا جولايرىق قۇرىلىسىنا بايلانىستى كوشەلەردىڭ ءبىرى جابىلادى. بۇل تۋرالى قالالىق موبيلدىلىك باسقارماسى ءمالىم ەتتى، دەپ حابارلايدى Almaty-akshamy.kz
رىسقۇلوۆ — ەمسوۆ قيىلىسىنداعى جولايرىقتا قۇرىلىس -مونتاجداۋ جۇمىستارى باستالدى. وسىعان بايلانىستى رىسقۇلوۆ داڭعىلىنداعى كولىك قوزعالىسىنىڭ كەستەسىنە وزگەرىستەر ەنگىزىلەدى: 1. 2021 جىلدىڭ 26 قىركۇيەگى مەن 4 قازان ارالىعىندا تۇنگى ساعات 23:00 -دەن تاڭعى ساعات 05:00 -گە دەيىن رىسقۇلوۆ داڭعىلىنىڭ باتىس باعىتىندا كولىك قوزعالىسى شەكتەلەدى. 2. باتىس جانە شىعىس باعىتتارى بويىنشا رايىمبەك داڭعىلىمەن ءجۇرۋ ءۇشىن رىسقۇلوۆ داڭعىلىنىڭ وڭتۇستىك بولىگى اشىق بولادى. 3. رىسقۇلوۆ داڭعىلىنىڭ بويىنداعى باسقا كوشەلەردە قوزعالىس بۇرىنعى رەجيمدە جۇزەگە اساتىن بولادى.