الماتىدا جول ينفراقۇرىلىمىن قالپىنا كەلتىرۋ جۇمىستارى جالعاسۋدا

جول قوزعالىسىن رەتتەۋدىڭ تەحنيكالىق قۇرالدارىن قالپىنا كەلتىرۋ جۇمىستارىن 13 بريگادا جۇرگىزەدى. زاقىمدالعان 46 باعدارشام نىسانىنىڭ 38ء-ى قالپىنا كەلتىرىلدى، ونىڭ 5ء-ۋى ۋاقىتشا سىزبا بويىنشا. سونداي-اق، بۇلىنگەن 120 جول بەلگىسىنىڭ 96-سى قالپىنا كەلتىرىلگەن، دەپ حابارلايدى اlmaty-akshamy.kz

كوشە-جول جەلىسى بويىنشا قالپىنا كەلتىرۋ جۇمىستارىن 4 جول بريگاداسى باستاپ، جۇرگىزۋدە. كەشە 90 ش.م توسەم، 120 مەتر جيەك جانە 37 جول ليۋگى قالپىنا كەلتىرىلدى. تاس توسەمدى قالپىنا كەلتىرۋدى 13 قاڭتارعا دەيىن اياقتاۋ جوسپارلانۋدا. ەكى بريگادا ماشينالار مەن وت جاعاتىن جەرلەردە جول جابىنىن تازارتۋعا كىرىستى. 

سونىمەن قاتار، ايالداما پاۆيلوندارى دا بۇلىنگەن. بارلىعى 43 پاۆيلون زاقىمدالدى، ونىڭ 17ء-سىنىڭ اينەكتەرى تۇگەل سىنعان. جەكە كومپانيالار دا قالپىنا كەلتىرۋگە كىرىستى، بۇگىندە 2 پاۆيلون جوندەلدى. جۇمىستار جالعاسۋدا. 

سونىمەن قاتار، الدىن الا ەسەپتەۋلەر بويىنشا 100-گە جۋىق ۆەلوسيپەد جوعالعان، 220-سى جوندەۋدى قاجەت ەتەدى، 20 ستانسيا بۇلىنگەن. جوندەۋ-قالپىنا كەلتىرۋ جۇمىستارى باستالدى، سونداي-اق زالالدى باعالاۋ بويىنشا جۇمىستار جۇرگىزىلۋدە.

الماتى قالاسىنىڭ تىنىس-تىرشىلىگىن قامتاماسىز ەتۋدى قالپىنا كەلتىرۋ جونىندەگى قالالىق شتاب