20-30 مامىر ارالىعىندا “نازار اۋدارىڭىز، بالالار!” رەسپۋبليكالىق جەدەل الدىن الۋ ءىس-شاراسى اياسىندا الماتى قالاسىندا بالالاردىڭ جاراقاتتانۋىنىڭ الدىن الۋ، سونداي-اق بالالاردىڭ جول قوزعالىسى ەرەجەلەرىن قاتىستى ءبىلىمىن ارتتىرۋ جانە جول-كولىك وقيعالارىنىڭ ءوسۋىن ازايتۋ ماقساتىندا قاجەتتى شارالار قابىلدانىپ جاتىر.
جالپى، بالالاردىڭ قۇقىقتىق ساناسىن ارتتىرىپ، جول قوزعالىسى ەرەجەلەرىن ساقتاي وتىرىپ، جولدا وز-وزىنە اباي بولۋدى ءتۇسىندىرۋ جۇمىستارى ۇزدىكسىز جۇرگىزىلىپ جاتىر، دەپ حابارلايدى Almaty-akshamy.kz.
"الماتى قالاسىندا بۇگىندە 215 مەملەكەتتىك ءبىلىم بەرۋ مەكەمەسى بار. وقۋ جىلىندا اكىمشىلىك پوليسيا قىزمەتكەرلەرى جول جەلىسىن زەرتتەۋ جۇمىستارىن جۇرگىزدى. ونىڭ قورىتىندىسى بويىنشا جول قوزعالىسىنا قاتىسۋشىلاردىڭ نازارىن اۋدارۋ ءۇشىن 1408 جول بەلگىلەرى ورناتىلدى، 588 – اۋىستىرىلدى، 207 رەتتەلمەيتىن جاياۋ جۇرگىنشىلەر وتكەلى جانە جەكە جوبالانعان پاننولار جارىقتاندىرۋمەن جابدىقتالدى. بالالاردىڭ قاۋىپسىزدىگىن قامتاماسىز ەتۋ جانە بالالاردىڭ جاراقاتتانۋىنىڭ الدىن الۋ ءۇشىن ايماقتاعى 80 ءبىلىم بەرۋ مەكەمەسىنە تەمىر قورشاۋلار ورناتىلدى"، – دەدى الماتى قالالىق پد اكىمشىلىك پوليسيا باسقارماسىنىڭ باستىعى اسحات قۇلبايەۆ.
سونداي-اق قۇلبايەۆ وسى جىلى جول قوزعالىسىن باسقارۋدىڭ اۆتوماتتاندىرىلعان جۇيەسىنە قوسىلعان 16 باعدارشام نىسانى مەن شاقىرۋ تۇيمەسى بار 25 باسقارىلاتىن جاياۋ جۇرگىنشىلەر وتكەلىنىڭ قۇرىلىسى بويىنشا جۇمىستار جۇرگىزىلىپ جاتقانىن اتاپ ءوتتى. ءبىلىم بەرۋ مەكەمەلەرىندە كولىك قوزعالىسىنىڭ جىلدامدىعىن باقىلاۋ ماقساتىندا “سەرگەك” اۆتوماتتاندىرىلعان باعدارلامالىق كەشەنىنىڭ 130 بەكەتى جۇمىس ىستەيدى.