الەۋمەتتىك جەلىلەردە الماتىدا كەشكە تۇسىرىلگەن ۆيدەو جاريالاندى.
وندا ءبىر جىگىتتىڭ دريفت جاساعان كولىكتە اۆتوماتقا ۇقساس قارۋ ۇستاپ وتىرعانى كورىنەدى، دەپ حابارلايدى اlmaty-akshamy.kz.
الماتى قالاسىنىڭ پد وكىلدەرى NUR.KZ تىلشىسىنە ۆەدومستۆو ۆيدەوعا قاتىستى بىردەن ارەكەت ەتكەنىن حابارلاعان. ولار ۆيدەوداعى تۇرعىندارعا قاتىستى شارا قابىلدانعان.
«سۋپەرماركەتتەردىڭ ءبىرىنىڭ تۇراعىندا جول قوزعالىسى ەرەجەسىن ورەسكەل بۇزعان BMW ماركالى اۆتوكولىك جۇرگىزۋشىسىنە قاتىستى شارالار قابىلداندى:
- اقبتك-نىڭ 230-بابى 2-بولىگى («مىندەتتى ساقتاندىرۋ شارتىنسىز كولىك قۇرالىن باسقارۋ»)؛
- 595-بابى 1-بولىگى («مانيەۆر جاساۋ قاعيدالارىن بۇزۋ)؛
- 606-بابى 1-بولىگى («اپات جاعدايىن جاساۋ»)؛
- 593-بابى 1-بولىگى («جولاۋشىلاردى تاسىمالداۋ ەرەجەسىن بۇزۋ»).
سونىمەن قاتار، ۆيدەودا كورسەتىلگەن كولىك قۇرالىنىڭ جولاۋشىسى تەرەزەدەن اۆتوماتقا ۇقساس زاتتى قالاي كورسەتكەنى بەينەلەنگەن. ونىڭ ويىن اۆتوماتى ەكەنى انىقتالدى، - دەپ حابارلادى ۆەدومستۆونىڭ باسپا ءسوز قىزمەتى.
سونداي-اق وقيعا قاتىسۋشىلارىنا زاڭبۇزۋشىلىقتاردىڭ الدىن الۋ تۋرالى قۇقىقتىق تۇسىندىرمە اڭگىمەسى جۇرگىزىلگەن.